ساعات 19:00-دەگى جاعداي بويىنشا شەتەلدە 13 ۋچاسكە جۇمىسىن اياقتادى. 7 358 استام قازاقستان ازاماتى ءوز داۋىسىن بەرىپ ۇلگەردى, دەپ حابارلايدى Egemen.kz.
ورتالىق رەفەرەندۋم كوميسسياسىنىڭ مالىمەتىنشە, 60 داۋىس بەرۋ ۋچاسكەسى ءالى ءوز جۇمىسىن جالعاستىرىپ جاتىر. ولار ورتالىق ازيا, تاياۋ جانە ورتا شىعىس, ەۋروپا, وڭتۇستىك امەريكا جانە اقش ەلدەرىندە ورنالاسقان. سان-فرانتسيسكو قالاسىنداعى تاعى ءبىر ۋچاسكە استانا ۋاقىتى بويىنشا ساعات 20:00-دە اشىلادى.
ەسكە سالا كەتەيىك, قازاقستاننىڭ شەت ەلدەردەگى مەكەمەلەرى جانىنان 59 مەملەكەتتە 74 ۋچاسكەلىك رەفەرەندۋم كوميسسياسى قۇرىلعان ەدى. شەتەلدە داۋىس بەرەتىن سايلاۋشىلاردىڭ جالپى سانى - 12 307.