مەدەۋ اۋدانىندا تۇراتىن ارداگەردىڭ ۇيىنە سايلاۋ كوميسسياسىنىڭ مۇشەلەرى تاسىمالداناتىن سايلاۋ جاشىگىن اكەلدى. ول وزىنە كورسەتىلگەن قامقورلىققا ريزاشىلىق ءبىلدىرىپ, ەل ازاماتتارىن رەفەرەندۋمعا بەلسەنە قاتىسۋعا شاقىردى.
«مەن عاسىرلىق ومىرىمدە كوپ نارسەنى باستان وتكەردىم. وتانىم ءۇشىن كوپ نارسە جاسادىم. جاس ۇرپاقتىڭ كەلەشەگى ءۇشىن رەفەرەندۋمعا قاتىسىپ وتىرمىن. بۇگىنگىدەي ماڭىزدى كۇندە ەل تۇرعىندارىن وزدەرىنىڭ ازاماتتىق جاۋاپكەرشىلىكتەرىن كورسەتۋگە شاقىرامىن», دەدى ۆيكتور كارپوۆيچ.
سوعىس ارداگەرى 18 جاسىندا مايدانعا اتتانعان. لەنينگراد اسكەري بايلانىس ۋچيليششەسىندە وقيدى. ۆەنگريادا, اۆستريادا شايقاستارعا قاتىسىپ, ۆەنا مەن چەحوسلوۆاكيا شەكاراسىنداعى زنايمە (زنويمو) قالاسىن باسىپ الۋعا قاتىسىپ, جەڭىستى قارسى الادى. سوعىس اياقتالعاننان كەيىن وعان اعا سەرجانت اتاعى بەرىلەدى.
ۆيكتور كارپوۆيچ - «قازاقستاننىڭ ەڭبەك سىڭىرگەن اگرونومى», ەكونوميكا عىلىمدارىنىڭ كانديداتى, ەكى رەت ەلىمىزدىڭ جوعارعى كەڭەسىنىڭ دەپۋتاتى بولىپ سايلاندى, قازاقستان كومپارتياسى ورتالىق كوميتەتىنىڭ مۇشەسى بولدى, كوپتەگەن ماراپاتتارعا يە, ونىڭ ىشىندە II دارەجەلى «وتان سوعىسى» وردەنى, «جاۋىنگەرلىك ەڭبەگى ءۇشىن» مەدالى, مەرەيتويلىق مەدالدارى بار.