V دۇنيەجۇزىلىك كوشپەلىلەر ويىندارىنىڭ جەڭىمپازى ديدار تۇقىشەۆ ساياسي ناۋقانعا بەلسەندى قاتىسىپ, رەفەرەندۋمدا تاڭداۋىن جاسادى, دەپ حابارلايدى Egemen.kz.
رەفەرەندۋمعا بيىلعى دۇنيەجۇزىلىك كوشپەلىلەر ويىندارىنىڭ جەڭىمپازى ديدار تۇقىشەۆ قاتىستى. ۇلتتىق سپورت سالاسىنىڭ وكىلى بۇل قادام ول ءۇشىن جاي عانا پارىز ەمەس, ازاماتتىق ۇستانىمىن ءبىلدىرۋ مۇمكىندىگى ەكەنىن تىلگە تيەك ەتتى. وسىلايشا, ديدار تۇقىشەۆ سپورت الاڭىندا جەتىستىككە جەتىپ قانا قويماي, ەلدىڭ بولاشاعىنا ۇلەس قوستى.
«ارقايسىمىزدىڭ داۋىس بەرۋ قۇقىعىمىز بار, بۇگىندە بۇل قۇقىق وتە ماڭىزدى. مەن ءوز تاڭداۋىمدى جاساپ, ەلىمىزدىڭ بولاشاعىنا ۇلەس قوسۋ ءۇشىن كەلدىم. سپورت پەن ساياسات ءبىر تيىننىڭ ەكى جاعى, قوعامعا بەلسەندى ارالاسۋ - ءبىزدىڭ مىندەتىمىز», دەدى ول.