قازاقستاننىڭ ەڭبەك سىڭىرگەن قايراتكەرى, مەملەكەتتىك سىيلىقتىڭ لاۋرەاتى, اقىن, دراماتۋرگ نۇرلان ورازالين قازاقستاندا اتوم ەلەكتر ستانتسياسىن سالۋ ماسەلەسى بويىنشا وتكەن رەفەرەندۋمعا قاتىستى, دەپ حابارلايدى Egemen.kz.
نۇرلان ورازالين №125 مەكتەپتە ورنالاسقان №301 سايلاۋ ۋچاسكەسىنە بارىپ, داۋىس بەردى.
«مەن قازاقستان ازاماتى رەتىندە كونستيتۋتسيالىق قۇقىعىمدى پايدالانىپ, داۋىس بەردىم. ويتكەنى ەل تاعدىرى – مەنىڭ تاعدىرىم, بالالارىمنىڭ, حالقىمنىڭ تاعدىرى. بۇگىن ءبىز ءۇشىن تاريحي كۇن. بۇل رەفەرەندۋم – دەموكراتيالىق قۇندىلىقتىڭ كورسەتكىشى. قازىرگى تاڭدا بىزگە كوپتەگەن مۇمكىندىك ۇسىنىلىپ وتىر. ءبىزدىڭ ەلىمىزدى بۇكىل الەم باقىلاپ وتىر, سوندىقتان قازاقستاندىقتار بىرلىك تانىتىپ, كونستيتۋتسيالىق قۇقىعىن دۇرىس پايدالانۋى كەرەك دەپ سانايمىن», دەدى ول.