قىرعىزستانداعى احۋال الەمدى الاڭداتادى

قازاقستان پرەزيدەنتى نۇرسۇلتان نازارباەۆ تۇرىك رەسپۋبلي­كا­سىنىڭ سىرتقى ىستەر ءمينيسترى احمەت داۋىتوعلىنى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. كەلىسسوزدەردىڭ بارىسىندا قا­زاقستان-تۇركيا قارىم-قاتى­ناس­­تا­رىن دامىتۋ ماسەلەسى تال­قى­لاندى. بۇل رەتتە جوعارى دەڭ­گەيدەگى جىل سايىنعى بايلا­نىستار ماڭىزدى ءرول اتقارادى. قازاقستان پرەزيدەنتى نۇرسۇلتان نازارباەۆتىڭ 2009 جىلعى قا­زاندا تۇركياعا جانە تۇركيا رەسپۋبليكاسىنىڭ پرەزي­دەنتى ابدۋللا گۇلدىڭ بيىلعى جىلى ما­مىردا قازاقستانعا جاساعان ساپارلارىنىڭ قورىتىندىلارى ەكى جاقتى ستراتەگيالىق ءارىپ­تەستىكتى جاڭا ساپالى دەڭگەيگە جەتكىزگەنى اتاپ ءوتىلدى. كەزدەسۋدىڭ بارىسىندا ەقىۇ مەن اوسشك ۇيىمدارىنا ءتور­اعا­­لىق ەتۋشى قازاقستان مەن ءتۇر­كيا بەيبىتشىلىك پەن تۇراق­تى­لىقتى ورنىقتىرۋ ءۇشىن قىر­عىزستانعا كومەك كورسەتۋ جونىندە كۇش-جىگەرىن بىرىكتىرەتىندىگى تۋرالى شەشىم قابىلداندى. جۋرناليستەرگە ارنالعان بري­فينگ­تە ءسوز العان احمەت ءداۋىت­وعلى قا­زاقستان پرەزيدەنتى نۇرسۇلتان نا­زارباەۆقا تۇركيا پرەزيدەنتى اب­دۋللا گۇل مەن پرەمەر-مي­ني­سترى رەدجەپ ەردوعاننىڭ سالەمىن جەت­كىزدى جانە قازاقستان كوشباس­شىسى ورتالىق ازيا مەن ەۋرازيا وڭىرىندەگى ەڭ تاجىريبەلى باسشى ەكە­نىن اتاپ ءوتتى.