ساتباەۆ قالاسىنداعى №292 رەفەرەندۋم ۋچاسكەسى ش.دىلدەباەۆ اتىنداعى كەنشىلەر سارايىندا ورنالاسقان. مۇندا قالالىق «اق اجەلەر» ءانسامبلى بار. ءانسامبلدىڭ بىرنەشە مۇشەسى وسى ۋچاسكەگە تىركەلگەن ەكەن. ولار ءوزارا اقىلداسىپ, رەفەرەندۋمعا ەرەكشە سالتاناتپەن بارۋدى ۇيعارىپتى.
ء«بىز ونەر ادامدارىمىز, سوندىقتان داۋىس بەرۋگە بارعان كەزدە ۇلتتىق كيىم كيىپ, ءان شىرقاپ بارعاندى دۇرىس دەپ سانادىق», دەيدى انسامبل مۇشەسى, قالانىڭ قۇرمەتتى ازاماتى ءارى ارداگەر ۇستاز اعايشا سادۋاقاسوۆا.
رەفەرەندۋم ۋچاسكەسى الدىندا تالانتتى كومپوزيتور, مارقۇم نۇرلان كەرىمبەكوۆتىڭ «ساتباەۆ ءۆالسى» ءانىن شىرقاپ تۇرعان اجەلەر كوپشىلىك تاراپىنان قىزىعۋشىلىق تۋدىردى. وسىلايشا, رەفەرەندۋمدا داۋىس بەرۋ ۇلتتىق كيىم مەن قازاق ونەرىن دارىپتەۋگە دە ۇلاسىپ جاتىر.
ۇلىتاۋ وبلىسى