جاڭا كونستيتۋتسيا جوباسى بويىنشا داۋىس بەرۋ كەستەسى بەكىتىلدى. ورتالىق سايلاۋ كوميسسياسى رەفەرەندۋم ناتيجەلەرىن داۋىس بەرۋدەن كەيىن 7 كۇننەن كەشىكتىرمەي جاريالاۋى ءتيىس, دەپ حابارلايدى Egemen.kz.
رەسپۋبليكالىق رەفەرەندۋمدى ازىرلەۋ مەن وتكىزۋ جونىندەگى نەگىزگى ءىس-شارالاردىڭ كۇنتىزبەلىك جوسپارى بەكىتىلدى.
12 اقپاننان 14 ناۋرىزعا دەيىن سايلاۋالدى ۇگىت-ناسيحات وتەدى. 21 اقپاندا اۋماقتىق جانە ۋچاسكەلىك كوميسسيالاردىڭ قۇرامدارى, سونداي-اق رەفەرەندۋم ۋچاسكەلەرىنىڭ شەكارالارى تۋرالى مالىمەتتەر جاريالانادى; 22 اقپاندا رەفەرەندۋم كوميسسيالارىنا داۋىس بەرۋگە ارنالعان تىزىمدەر ۇسىنىلادى; 27 اقپاننان 4 ناۋرىزعا دەيىن ازاماتتارعا قايدا جانە قاشان داۋىس بەرە الاتىنى تۋرالى رەسمي تۇردە حابارلانادى. 14 ناۋرىز – تىنىشتىق كۇنى. بۇل كۇنى ۇگىت-ناسيحات جۇرگىزىلمەيدى. 15 ناۋرىز – داۋىس بەرۋ كۇنى. سايلاۋ ۋچاسكەلەرى تاڭعى 7:00-دەن كەشكى 20:00-گە دەيىن اشىق بولادى.ەسكە سالايىق, مەملەكەت باسشىسى 15 ناۋرىزدا رەسپۋبليكالىق رەفەرەندۋم وتكiزۋ تۋرالى جارلىققا قول قويدى.
بۇگىن قازاقستان رەسپۋبليكاسى كونستيتۋتسياسىنىڭ جاڭا جوباسى جاريالاندى.