رۋحاني دۇنيەنىڭ رەڭى

كولەمدى قاراجاتتىڭ 4,5 ميلليارد تەڭگەسىنە 8 مادەنيەت نىسانىن سالۋ كوزدەلگەن. 2,2 ميلليارد تەڭگە­­گە مادەنيەت وشاقتارىنىڭ بىرەۋىنە كۇردەلى, تورتەۋىنە اعىم­داعى جوندەۋ جۇمىسى جۇر­گىزىلىپ جاتىر. وسىلايشا, جال­پاق جۇرت­تىڭ سۇرانىسى وتەلىپ, مادەنيەت سالاسى جاڭا سەرپىنگە يە بولدى. ءسال عانا تاراتىپ ايتاتىن بول­ساق, بۇگىنگى كۇنى ءبىرجان سال اۋدا­نىنىڭ ۇلگى اۋىلىنداعى مادە­نيەت ۇيىنە 135 ميلليون تەڭ­گەگە جوندەۋ جۇمىسى جۇر­گى­زىلدى. ەتەك-جەڭى كەڭ پىشىلگەن اۋىل تۇرعىندارى قازىر بەينەلەپ ايتقاندا, قۇرىلىسشىنىڭ قالا­عىنان جاڭا شىققانداي كوز تار­تارلىق كەيىپپەن سىڭعىرلاپ تۇر­عان, مۇقيات جوندەۋدەن وتكى­زىل­گەن مادەنيەت ءۇيىنىڭ يگىلىگىن كو­رەدى. اۋداندا ءىسساپاردا بول­عا­نىمىزدا ەل اعالارىنىڭ شارا­پات­تى شارۋاعا, مەملەكەت­تىڭ قام­قور­لى­عىنا ايتقان اق العى­سىنا كۋا بولدىق. جوندەۋدەن وتكىزىلگەن سەلولىق مادەنيەت ۇيىندە ءارتۇرلى ۇيىرمە جۇمىس ىستەيدى. اۋىل جاس­تارى مادە­نيەت وشاعىنا كەلىپ, وزدە­­رىنىڭ قالاۋلارى بويىنشا رۋحا­­ني ءنار الادى.

وسىنداي يگىلىكتى ءىس جاقسى اۋدانىنىڭ زاپوروجە اۋىلىندا دا جۇزەگە اسىرىلىپ وتىر. وقتاي ءتۇزۋ كوشەلەرى اسفالت جامىلعىمەن كومكەرىلگەن, سەلوعا كىرەبەرىستە ۇقىپتى قولدىڭ تابى انىق بايقالاتىن دەمالىس پاركىن جاناي وتسەڭىز, ەلدى مەكەننىڭ قاق ورتاسىندا ەڭسەلى سەلولىق كلۋب مەنمۇندالايدى. بۇل اۋىلدا الەۋمەتتىك-تۇرمىستىق جاعدايعا ايرىقشا ءمان بەرىلگەن. وتپەلى كەزەڭنىڭ وكپەك جەلى بەرەكەلى اۋىل­دى اينالىپ وتكەندەي. اۋىل جاستارىنىڭ كوپشىلىگى تۋعان جەرىنىڭ توسىندە ابىرويلى ەڭبەك ەتىپ جاتىر. مىنە, وسىنداي ادەمى كورىنىسكە قاراپ تۇرىپ, ءتورت قۇبىلاسى ساي بولسا, ەلدىڭ ىرگەسى سوگىلمەيتىنىن بايقاۋعا بولادى. ۇستىمىزدەگى جىلى اۋىلداعى سەلو­لىق مادەنيەت ءۇيى 87,3 ميلليون تەڭگەگە جوندەلدى. كەيىنگى جىلدارى ماسەلەسى قايتا-قايتا كوتەرىلگەن بۋراباي اۋدانىنداعى زەلە­نىي بور اۋىلىنداعى مادە­نيەت ءۇيى 432,3 ميلليون تەڭگەگە جون­دەلىپ, تۇرعىندار ءۇشىن اق تۇيە­نىڭ قارنى جارىلعان ءسات تۋدى. كوپتەن بەرى جۇدەپ تۇرا­تىن, باع­دارلاماسىنىڭ ارقا­سىن­­دا سال­تاناتتى كۇيگە ەنىپ, كوز تار­تارلىق كەيىپكە ەندى. ءدال وسىنداي اعىمداعى جون­دەۋ جۇ­مىس­تارى قورعالجىن, زە­رەن­­­دى اۋدان­دارىنداعى اقان جانە پري­رەچنوە اۋىلدارىندا جۇزە­­گە اسىرىلسا, ءبىرجان سال اۋدانىنداعى ءبىرسۋات اۋىلىنىڭ تۇر­عىندارى دا ۇتىمدى ءىستىڭ يگىلى­گىن كورىپ وتىر.

وڭىردە التى ەلدى مەكەننىڭ كىتاپ­­­حا­نالارىنا كۇردەلى جوندەۋ جۇر­­گى­­زىلدى. اتاپ ايتاتىن بولساق, اتبا­سار اۋدانىنداعى اقان قۇر­ما­­نوۆ اتىنداعى, ەرەيمەنتاۋ اۋدا­­نىنداعى ەگىنشىلىك اۋىلدا­رىن­­داعى جانە جارقايىڭ اۋدان­دىق كىتاپحانالارىنا جۇرگىزىلىپ جاتقان جوندەۋ جۇمىستارى تاياۋدا اياقتالماق.

ارشالى اۋدانىندا باع­دار­لاما اياسىندا ەكى عيمارات سالىنىپ جاتىر. اتاپ ايتقاندا, ارشالى كەنتىندە جانە جىبەك جولى اۋىلىن­دا زاماناۋي مادە­نيەت ۇيلەرى بوي كوتەرىپ, حالىق­قا قىزمەت ەتە­تىن بولادى. بۇل ماق­ساتقا 1,4 ميل­ليارد تەڭ­گە قار­­­جى بولىنگەن. بۇ­لان­دى اۋدا­نىنداعى نيكول­سكوە جانە ۆوز­نەسەنكا, استرا­حان اۋدا­نىن­داعى نوۆوچەر­كاس­سكوە اۋىل­دا­رىن­داعى مادەنيەت ۇيلە­رى­نىڭ قۇ­رى­لىسى جۇرگىزىلۋدە. بۇل ماق­ساتقا 1,7 ميلليارد تەڭگە قاراس­تىرىلعان.

جىل سوڭىنا دەيىن ەكى ينۆەس­تي­­تسيا­لىق جوبانى اياقتاۋ جوس­پارلانعان. ششۋچينسك قالا­سىن­داعى 400 ورىندىق اۋداندىق مادەنيەت ءۇيىنىڭ قۇرىلىسىنا ­1 ميل­ليارد تەڭگە, ستەپنوگورسك قالا­سىنىڭ ىرگەسىندەگى قارابۇلاق اۋى­لىنداعى سالىنىپ جاتقان مادە­نيەت ءۇيىنىڭ قۇرىلىسىنا 292,5 ميلليون تەڭگە بولىنگەن. اقكول اۋدانىنداعى ازات ەلدى مەكەنىندە جالپى قۇنى 200 ميلليون تەڭگە بولاتىن مادەني سپورت كەشەنىنىڭ قۇرىلىسى باس­تالدى.

وڭىردەگى مادەنيەت سالاسىنىڭ ءوڭىن كىرگىزگەن باعدارلاما بەرەكەلى شارۋاعا اينالىپ وتىر.

اقمولا وبلىسى