پەتروپاۆلداعى پاتەرلەردىڭ بىرىنەن 44 جاستاعى ايەلدىڭ ءمايىتى تابىلدى, دەپ حابارلايدى Egemen.kz سقو پوليتسياسىنىڭ ءباسپاسوز قىزمەتىنە سىلتەمە جاساپ.
2 قازان كۇنى پەتروپاۆل پوليتسياسىنا 44 جاستاعى ايەلدىڭ ءوز پاتەرىندە قايتىس بولعانى تۋرالى حابارلاما كەلىپ تۇسكەن. ونىڭ دەنەسىنەن زورلىق-زومبىلىقتىڭ بەلگىلەرى تابىلعان.
«قر قىلمىستىق كودەكسىنىڭ «ابايسىزدا جابىرلەنۋشىنىڭ ولىمىنە اكەپ سوققان دەنساۋلىققا قاساقانا اۋىر زيان كەلتىرۋ بابى بويىنشا سوتقا دەيىنگى تەرگەۋ باستالدى», دەلىنگەن پوليتسيا دەپارتامەنتى ءباسپاسوز قىزمەتىنىڭ حابارلاماسىندا.
ايەلدى ءولتىردى دەگەن كۇدىكپەن 52 جاستاعى جەرگىلىكتى تۇرعىن ۇستالىپ, ۋاقىتشا ۇستاۋ يزولياتورىنا قامالدى.تەرگەۋ جالعاسىپ جاتىر.