روزا باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىمىنىڭ ء«بىزدىڭ جارمەڭكە» اتتى ۇلتتىق ونەر مەرەكەسى ءوتتى. ءىس-شاراعا قر مادەنيەت جانە اقپارات ءمينيسترى ايدا بالاەۆا قاتىستى, دەپ حابارلايدى Egemen.kz.
قازاقكونتسەرتتىڭ «حالىق قازىناسى» ۇلتتىق ونەر ورتالىعى كورەرمەن نازارىنا قوياندى, كوكجار, قاراوتكەل سىندى تاعىلىمى مول تاريحي جارمەڭكەلەردى جاڭعىرتقان, ءداستۇرلى ونەردىڭ بارلىق تۇستارىن قامتىعان جاڭا فورماتتاعى دۋماندى كەشىن ۇسىندى.
كونتسەرتتە قازاقستاننىڭ ەڭبەك سىڭىرگەن قايراتكەرلەرى جانعالي ءجۇزباي, قۇماربەك قالقاتاي, ارداق بالاجانوۆا, ەلمۇرا جاڭابەرگەن, ايگۇل ەلشىباەۆا, راۋشان ورازباەۆا, ايزات قارابەكوۆا, نۇربولات ارزاماس ۇلى, مادەنيەت قايراتكەرلەرى تولعانباي سەمباەۆ, ەربولات شالدىبەكوۆ, مادەنيەت سالاسىنىڭ ۇزدىگى پەريزات تۇراروۆا, «دارىن» جاستار سىيلىعىنىڭ لاۋرەاتتارى اسقار مۇقيات, كۇنسۇلۋ تۇرىكپەن, حالىقارالىق بايقاۋلاردىڭ لاۋرەاتتارى اقەركە تاجىباەۆا, دىنيسلامبەك جايلاۋباي, ءبىرجان ايتاحمەتوۆ, اليحان دۇيسەنباي, ۆەنەرا تابىس, داريا بەكپەنبەتوۆا, اياۋلىم قاماجان ونەر كورسەتتى.
بۇعان قوسا, «استانا سازى» مەملەكەتتىك فولكلورلىق ءانسامبلى مەن «بىرلىك» بي ءانسامبلى ونەرلەرىن ورتاعا سالدى. ساحناعا ءبىر مەزەتتە شىققان بارلىق ونەرپازدار ناعىز ونەر جارمەڭكەسىنىڭ اتموسفەراسىن شەبەر جەتكىزە الدى. قازاقكونتسەرتتىڭ ونەر مايتالماندارى كورەرمەن نازارىنا ۇلتىمىزدىڭ اۋەلەگەن اسەم اندەرىن, كۇمبىرلەگەن كۇي مەن جىر جاۋھارلارىن, ءتول ونەرىمىزدىڭ ۇزدىك ۇلگىلەرىن پاش ەتتى.