مما شەبەرى ديار نۇرعوجايدىڭ الەمدەگى ەڭ مىقتى پروموۋشەنگە قوسىلدى. بۇل تۋرالى UFC پرەزيدەنتى دانا ۋايت ءمالىم ەتتى, دەپ حابارلايدى Egemen.kz.
Dana White’s Contender Series ءتۋرنيرىنىڭ قورىتىندىسىندا وتانداسىمىز ديار نۇرعوجاي قارسىلاسى, پولياك بارتوش شەۆچۋكتى العاشقى راۋندتا نوكاۋتقا جىبەرگەن ەدى. وسى ءتۋرنيردىڭ قورىتىندىسىندا دانا ۋايت UFC روستەرىنە قوسىلعان سپورتشىلاردىڭ اتتارىن اتاپ, قازاقستاندىق سپورت شەبەرىنە قوش كەلدىڭ ايتتى.
ەسكە سالايىق, قازىرگى تاڭدا UFC-دە ەلىمىزدىڭ نامىسىن ءتورت سپورتشى قورعاپ ءجۇر. ولار شاۆكات راحمونوۆ, اسۋ الماباەۆ, ازات ماقسۇم مەن نيكولاي ۆەرەتەننيكوۆ. ەندى سپورتشىلاردىڭ قاتارىن ديار نۇرعوجاي تولىقتىردى.