قر باس پروكۋرورى بەرىك اسىلوۆ ەلىمىزدە جاسوسپىرىمدەردىڭ وزىنە قول جۇمساۋ فاكتىلەرى كوبەيگەنىنە قاتىستى پىكىر ءبىلدىردى, دەپ حابارلايدى Egemen.kz.
باس پروكۋرور بالالاردىڭ وزىنە-ءوزى قول جۇمساۋ تولقىنى قوعامدا رەزونانس تۋدىرعانىن تىلگە تيەك ەتتى.
«پروكۋرورلارعا ءار فاكت بويىنشا تەرگەۋدى ەرەكشە باقىلاۋدى تاپسىردىم. جالپى, الەۋمەتتىك جەلىلەر بالالاردىڭ سۋيتسيد بەلسەندىلىگىنە اسەر ەتەتىندىكتەن پروكۋرورلار 15 مىڭ زيان سايت پەن سىلتەمەنى بۇعاتتاۋعا قول جەتكىزدى», دەپ جازدى ول X الەۋمەتتىك جەلىسىندە.
بەرىك اسىلوۆ باس پروكۋراتۋرا مەملەكەتتىك ورگاندارمەن بىرلەسىپ, ءسۋيتسيدتىڭ الدىن الۋ بويىنشا شۇعىل شارالار قابىلدايتىنىن مالىمدەدى.
«سونداي-اق قيىن تۇرمىستىق جاعدايداعى وتباسىلارمەن جۇمىس ىستەپ جاتىرمىز. مەملەكەتتىك ورگاندارمەن ءسۋيتسيدتىڭ الدىن الۋ بويىنشا شۇعىل شارالار كەشەنىن ازىرلەيتىن بولامىز», دەلىنگەن باس پروكۋروردىڭ جازباسىندا.