ەلدىڭ باسىم بولىگىندە توتەنشە ءورت قاۋپى ساقتالادى - سينوپتيكتەر

ۇلىتاۋ وبلىسىنىڭ باسىم بولىگىندە توتەنشە ءورت قاۋپى ساقتالادى.

باتىس قازاقستان وبلىسىنىڭ باتىسىندا, وڭتۇستىگىندە جەل وڭتۇستىك-شىعىستان سوعادى, ەكپىنى سەكۋندىنا 15-20 مەترگە جەتەدى. وبلىستىڭ سولتۇستىگىندە جوعارى ءورت قاۋپى ساقتالادى, وبلىستىڭ باسىم بولىگىندە توتەنشە ءورت قاۋپى ساقتالادى.

قاراعاندى وبلىسىنىڭ باسىم بولىگىندە جوعارى ءورت قاۋپى, وبلىستىڭ باتىسىندا, شىعىسىندا توتەنشە ءورت قاۋپى ساقتالادى.

جەتىسۋ وبلىسىنىڭ وڭتۇستىك-شىعىسىنان جەل سوعادى, الاكول كولدەرى اۋدانىندا 15-20, كۇندىز ەكپىنى سەكۋندىنا 23-28 مەترگە جەتەدى. وبلىستىڭ سولتۇستىگىندە, باتىسىندا, ورتالىعىندا توتەنشە ءورت قاۋپى ساقتالادى.

ماڭعىستاۋ وبلىسىنىڭ باسىم بولىگىندە توتەنشە ءورت قاۋپى, وبلىستىڭ شىعىسىندا جوعارى ءورت قاۋپى ساقتالادى.

قىزىلوردا وبلىسىنىڭ باسىم بولىگىندە توتەنشە ءورت قاۋپى, وبلىستىڭ سولتۇستىك-باتىسىندا جوعارى ءورت قاۋپى ساقتالادى.

اقتوبە وبلىسىندا شىعىستان, سولتۇستىك-شىعىستان جەل سوعادى, كۇندىز وبلىستىڭ ورتالىعىندا, وڭتۇستىگىندە ەكپىنى سەكۋندىنا 15 مەترگە جەتەدى. وبلىستىڭ باسىم بولىگىندە, وڭتۇستىگىندە, باتىسىندا, ورتالىعىندا جوعارى ءورت قاۋپى ساقتالادى.

اتىراۋ وبلىسىنىڭ باسىم بولىگىندە دە توتەنشە ءورت قاۋپى ساقتالادى.

اباي وبلىسىندا وڭتۇستىك-شىعىستان سوعاتىن جەل سولتۇستىك-شىعىسقا اۋىسادى, وبلىستىڭ ورتالىعىندا, وڭتۇستىگىندە 15-20, كۇندىز ەكپىنى 23 م/س بولادى. وبلىستىڭ سولتۇستىگىندە جوعارى ءورت قاۋپى بولادى, وبلىستىڭ شىعىسىندا, ورتالىعىندا جوعارى ءورت قاۋپى, وبلىستىڭ وڭتۇستىگىندە توتەنشە ءورت قاۋپى ساقتالادى.ماماندار شىعىس قازاقستان وبلىسىنىڭ سولتۇستىگىندە جوعارى ءورت قاۋپى ساقتالاتىنىن ەسكەرتتى.

تۇركىستان وبلىسىنىڭ وڭتۇستىگىندە, تاۋلى جانە تاۋ بوكتەرلى اۋداندارىندا نايزاعاي, سولتۇستىگىندە شاڭدى داۋىل بولادى. شىعىستان, وڭتۇستىك-شىعىستان جەل سوعادى, تۇندە جانە تاڭەرتەڭ وبلىستىڭ سولتۇستىگىندە, تاۋلى جانە تاۋ بوكتەرلى اۋداندارىندا كۇشى 15-20 م/س بولادى. وبلىستىڭ باسىم بولىگىندە توتەنشە ءورت قاۋپى (5 كلاسس) ساقتالادى.

شىمكەنتتە ءتۇننىڭ ءبىرىنشى جارتىسىندا نايزاعاي وينايدى. شىعىستان, وڭتۇستىك-شىعىستان جەل سوعادى, تۇندە ەكپىنى 15-20 م/س بولادى. توتەنشە ءورت قاۋپى (5 كلاسس) ساقتالادى.