ءحالىڭدى بىلەتىن جاساندى ينتەللەكت

يننوۆاتسيالىق مەديتسينا عىلىمي-كلينيكالىق ورتالىعى دارىگەرلەرىنەن قۇ­رالعان كوماندانىڭ ايتۋىنشا, جوبا­نىڭ نەگىزگى ماقساتى – حالىققا تەگىن ءارى قول­جەتىمدى سكرينينگ ۇسىنۋ. پلاتفورما جال­­پى قان تالداۋىنىڭ ناتيجەلەرىنە نەگىز­­دەلگەن يممۋنولوگيالىق دەرەك­تەر­دىڭ كەڭ اۋقىمىن تالدايدى, جاسىرىن ين­فەك­­تسيالاردى انىقتاپ, ورگانيزمنىڭ اۋرۋ-سىرقاۋعا, ەكپەگە, فيزيكالىق جۇك­تە­­مە­لەر مەن سترەسكە اسەرىن باقى­لاۋعا كو­مەك­تەسەدى. سونىمەن قاتار اتالعان قو­­­­سىم­­شا يممۋنيتەتتى قا­لىپ­­تا ۇستاپ, نى­­­عاي­تۋ ءۇشىن ناقتى ۇسىنىستار ايتادى. «ImmuniGuide» جوباسىنىڭ اۆتور­لا­رى – نۇر­لى­بەك ودەر­باەۆ پەن يگور پونا­ما­رەۆ.

«ويىمىزدا جوبانىڭ العاشقى ۇشقىنى 2016 جىلى پايدا بولدى. سودان بەرى 8 جىل تىنباي ەڭبەكتەندىك, ىزدەندىك, جەمىسىن ەندى كورىپ جاتىرمىز. وسى ۋاقىت ىشىندە 4 اۆتورلىق قۇقىق الىپ, ساۋدا ماركاسىن تىركەپ قانا قويماي, پلاتفورمانىڭ قۇرىلىمىن قايتا قاراپ, وعان جاساندى ينتەللەكتىنى قوستىق. بيىل شىلدەدە ءونىمدى وندىرىسكە ءساتتى ەنگىزىپ, بەلسەندى قولدانىپ جاتقان كلينيكالار مەن ەمحانالاردا جاقسى كورسەتكىشتەر بايقاپ وتىرمىز. پلاتفورما ۇسىنعان ناتيجەلەردىڭ دالدىگى ورتاشا ەسەپپەن 98,7%-دى قۇرايدى. مۇنىڭ تاجىريبە مەن عىلىمي تۇرعىدا دالەلى بار», دەدى «ImmuniGuide» نەگى­زىن تەڭ قالاۋشى, مەديتسينا عىلىمدارىنىڭ دوكتورى, دارى­گەر-ونكولوگ نۇرلىبەك ودەر­باەۆ.

جوبانىڭ باستى ار­تىق­شىلىعى – مەديتسينالىق دە­رەك­­تەردى جوعارى جىلدام­دىق­پەن, دالدىكپەن وڭدەي الاتىن جاساندى ينتەللەكت, بۇل ەگجەي-تەگجەي جەكەلەندىرىلگەن ەسەپتەردى كەز كەلگەن تىلدە ۇسىنۋعا مۇمكىندىك بەرەدى.

وتاندىق ءونىم دەنساۋلىق ساقتاۋ سالاسىن جاقسارتۋعا جوعارى الەۋەت كورسەتىپ, حالىقارالىق الاڭعا شىعۋعا دايىن ەكەنىن تانىتتى. ءا دە­گەننەن-اق بۇل جوباعا شەتەلدەن قىزىعۋشىلىق تانىت­قاندار ءبىرشاما. اتاپ ايت­قاندا, قازىر مالايزيا تارا­پىمەن پلاتفورمانى سول اي­ماقتا سىناقتان وتكىزۋ بو­يىنشا كەلىسسوز جۇرگىزىلىپ جاتىر. جوبا جەتەكشىلەرىنىڭ ايتۋىنشا, الداعى ۋاقىتتا تەحنولوگيا اياسىن كەڭەيتىپ, ازيا, ەۋروپا, اقش ەلدەرىنە ەنگىزۋ جوس­پارلانىپ وتىر.