پودكاست - جۋرناليستيكانىڭ جاڭا جانرى ما

ەلوردادا ءوتىپ جاتقان ءدارستۇرلى اپتالىق بارىسىندا جۋرناليست, PhD, PR ساراپشىسى, «7010 PODCAST» پودكاستىنىڭ اۆتورى «پودكاست - جۋرناليستيكانىڭ جاڭا جانرى؟» تاقىرىبىندا كەزەكتى سەسسيانى وتكىزدى.

سەسسياعا «Abay LIVE» پودكاستىنىڭ اۆتورى اباي سەيفۋللا, تۆ جانە YouTube جوبالارىنىڭ پروديۋسەرى, Aiqap.podcast پودكاستىنىڭ اۆتورى الماس مارات ۇلى, جۋرناليست, «م.س.نارىكباەۆ اتىنداعى كازگيۋ ۋنيۆەرسيتەتى» اق باسقارما توراعاسىنىڭ ورىنباسارى ەربولات مۇحامەدجان, «جيزا» پودكاستىنىڭ اۆتورى عاليا يدوياتوۆا جانە جۋرناليست اقبوپە تاڭىربەرگەن قاتىستى.

ساراپشىلاردىڭ ايتۋىنشا, بۇگىندە جۋرناليستەردىڭ ساپالى كونتەنت ازىرلەۋىنە بارلىق قاجەتتى جاعداي جاسالعان. اسىرەسە ينتەرنەت, الەۋمەتتىك جەلىلەر مەن جاساندى ينتەللەكت زاماناۋي ءجۋرناليستىڭ سەنىمدى كومەك قۇرالدارىنا اينالدى.

الماس مارات ۇلىنىڭ ايتۋىنشا, قازاقستاندا پودكاست فورماتى جىلدام ءارى جان-جاقتى دامىپ كەلەدى.

«بۇعان YouTube جەلىسىنە جۇكتەلگەن پودكاستتاردىڭ ميلليونداعان قارالىمدارى دالەل بولا الادى. قازىردىڭ وزىندە ءداستۇرلى جۋرناليستيكا, اسىرەسە, تەلەۆيدەنيە سالاسىنىڭ وكىلدەرى  YouTube-قا «كەتىپ» وزەكتى الەۋمەتتىك ماسەلەلەردى قوزعاپ وتىر. بۇعان ەركىندىك سەبەپ بولدى. ماسەلەن, تەلەارنا جۋرناليستەرى ءوز ونىمدەرىنە پىكىرلەرىن قوسا المايدى, تسەنزۋراسى تاعى بار. ال تاۋەلسىز ايماقتا پودكاست جۇرگىزگەن ادام ءوزىن ەركىن سەزىنىپ, قالاعان سپيكەرمەن سۇحباتتاسىپ, ءوز ويىن انىق جەتكىزە الادى. وسىنداي فورمات قاراپايىم حالىققا دا ۇنايدى», دەدى سپيكەر.

ال اباي سەيفۋللا YouTube پلاتفورماسىندا سالالىق پودكاستار ءالى دە جەتىسپەيتىنىن تىلگە تيەك ەتتى.

«حالىق كوبىنەسە «Dope ءسوز», «Zamandas» نەمەسە «Airan» سياقتى پودكاست كانالدارىنا تىركەلگەن. ولار قوعامداعى وزەكتى وقيعالاردى تالقىلاپ, تانىمال تۇلعالاردى عانا شاقىرادى. قازىرگى ۋاقىتتا اۋديو نەمەسە ۆيدەوپودكاستتاردى جۇكتەۋگە بولاتىن كوپتەگەن پلاتفورما بار. قازاقستاندا بۇل تەندەنتسيا ءارى قاراي جالعاسىپ, ودان ءارى دامۋى ءۇشىن سالالىق پودكاستاردىڭ سانىن ارتتىرۋ قاجەت. ماسەلەن, مۋزىكا, كينو, كىتاپ, استرونوميا جانە عارىش, دەنساۋلىق جانە مەديتسينا, بالا تاربيەسى, وتباسىلىق قۇندىلىقتار سياقتى تاقىرىپتار كورەرمەنگە قىزىقتى بولۋى مۇمكىن», دەپ ويىن ءبولىستى سپيكەر.

سەسسيا بارىسىندا ەربولات مۇحامەدجان  تاعى ءبىر ماسەلەنى كوتەردى. سپيكەردىڭ ايتۋىنشا, قازاقتىلدى كونتەنت شىعارۋ ىسىندە پودكاستتاردىڭ ۇلەسى وتە از.

«ورىس تىلىندە تۇسىرىلگەن پودكاست قازاق تىلىندە جۇرگىزىلگەن پودكاستقا قاراعاندا كوبىرەك قارالىم جينايتىنى راس. كورەرمەندەر ساراپتالعان, ىقشامدالعان, ءارى جان-جاقتى قىزىقتىرىلعان اقپاراتقا نازار اۋدارادى. كوبىسى «پودكاست - YouTube-ءتىڭ سۇحبات جانرى» دەپ ويلايدى. بىراق پودكاست تەك سۇحبات قانا ەمەس. دەسە دە قازاقستاندا سۇحبات جانرى كوبىرەك تانىلعان. مەيلى, سۇحبات بولسىن, ساراپتاما بولسىن, باسقاسى بولسىن, قازاق تىلىندە بولسا بولعانى. ياعني, كونتەنت وتاندىق بولسا, قازاق تىلىندە بولعانى ابزال», دەپ ويىن جەتكىزدى ەربولات مۇحامەدجان.

«جيزا» پودكاستىنىڭ اۆتورى عاليا يدوياتوۆا ساپالى كونتەنت قارجىلىق قولداۋدى قاجەت ەتەتىنىن العا تارتتى.

«تاۋەلسىز پودكاست-مەيكەرلەر دەمەۋشىلەردىڭ قارجىسىنا ساپالى كونتەنت شىعارادى. ءيا, بۇل جارناما. ارينە, قازىر تەك ءبىر عانا iphone-نىڭ كومەگىمەن ۆيدەو ءتۇسىرىپ, ونى مونتاجداپ YouTube پلاتفورماسىنا جۇكتەۋگە بولادى. بىراق كورەرمەندەر ساپالى, ادەمى, جەتىلدىرىلگەن بەينەگە قارايدى. ەلىمىزدە پودكاست جانرىن ودان ءارى دامىتۋ كەرەك. پودكاست جانرىندا تەك ءبىر عانا ەرەجە بار - ەشقانداي ەرەجەنى ۇستانباۋ. سوندىقتان شىعارماشىلىعىن شىڭداعىسى كەلەتىن, وزىندىك ءيميدجدى قالىپتاستىرعىسى كەلەتىن ادامداردىڭ الدىڭدا بارلىق مۇمكىندىكتەر بار. ولاردى تەك ۇتىمدى پايدالانا ءبىلۋ كەرەك», دەدى عاليا يدوياتوۆا.

سەسسيا بارىسىندا جۋرناليست اقبوپە تاڭىربەرگەن دە ارىپتەستەرىمەن تىلدەسىپ, پودكاست شىعارۋعا نيەتتى ەكەنىن جەتكىزدى. ول تەلەۆيدەنيە مەن YouTube جەلىسىنىڭ جۇمىستارىن سالىستىرىپ, ۇتىمدى تۇستارى مەن كونتەنت جاساۋداعى قيىندىقتاردى اتادى.