بۇل تۋرالى ۇكىمەتتىڭ ءباسپاسوز قىزمەتىنەن ءمالىم بولدى, دەپ حابارلايدى Egemen.kz.
پرەزيدەنتتىڭ بيىل ماۋسىم ايىندا وتكەن ءتۋريزمدى دامىتۋ جونىندەگى كەڭەستە بەرگەن تاپسىرمالارىن ىسكە اسىرۋ ماقساتىندا وبلىستا تۋريستىك الەۋەتتى دامىتۋ بويىنشا جۇمىستار جۇرگىزىلىپ جاتقانى ايتىلدى. اتاپ ايتقاندا, كەندىرلى كۋرورتتى ايماعىندا جىلىنا 300 مىڭ ادامعا دەيىن قابىلداي الاتىن تۋريستىك قالا سالىنادى. ينجەنەرلىك ينفراقۇرىلىم قۇرىلىسى باستالىپ كەتكەن.
«كەندىرلى تەڭىز جاعالاۋىنىڭ ەرەكشەلىگى – شومىلۋ ماۋسىمىنىڭ ۇزاقتىعى. گەوگرافيالىق ورنالاسۋى دا ماڭىزدى ءرول اتقارادى. ول ءوزىنىڭ بىرەگەيلىگىنىڭ ارقاسىندا تۋريستەردى تارتۋعا ىڭعايلى. وسىعان بايلانىستى پرەزيدەنت كەندىرلى تۋريستىك ايماعىن قۇرۋ بويىنشا ناقتى تاپسىرما بەردى. ءبىز ءتيىستى ينفراقۇرىلىمى بار جانە تۋريستەرگە قىزمەت كورسەتەتىن ارنايى تۋريستىك قالاشىق سالۋدى جوسپارلاپ وتىرمىز. بۇل جاڭاوزەن قالاسىنىڭ نەگىزگى جۇكتەمەسىنىڭ تومەندەۋىنە جاقسى اسەر ەتەدى», دەدى كەندىرلى اۋىلىنىڭ اكىمى مەكەن ۇيسەنوۆ.