“التىن بەلگىلى” تۇلەكتەر

وتكەن سەنبىدە 11 جىل بويى العان ءبىلىم دەڭگەيلەرىن ابىرويمەن دالەلدەپ شىققان استانالىق “التىن بەلگى” يەگەرلەرىنە قالا اكىمى يمانعالي تاسماعامبەتوۆ توسبەلگىلەرىن تابىس ەتتى. بۇل سالتاناتتى شارا “قازاق ەلى” مونۋمەنتى الاڭىندا ءوتتى. ۇلتتىق بىرىڭعاي تەستىلەۋ قورى­تىندىسى بويىنشا استانا ەلىمىزدەگى ەڭ جوعارى كورسەتكىشتى يەلەنىپ, ءبىلىم ساپاسى جونىنەن العاشقى ورىنعا شىقتى. “التىن بەلگىگە” ءۇمىتتى 133 مەك­­تەپ ءبىتىرۋشى تۇلەك ىشىنەن — 90, ال ۇزدىك اتتەس­تات­قا تاپسىرعان 102 وقۋ­شىدان 39-ى ءوز بىلىمدەرىن لايىقتى دارەجەدە ءدا­لەلدەپ شىقتى. ءسويتىپ, ۇبت قو­رىتىندىسى بويىنشا ورتاشا بالل 97,4-ءتى قۇراسا, رەسپۋبليكا بوي­ىن­شا 84,84-ءتى كورسەتكەن. بيىل استا­نا قا­لاسىندا 2 915 تۇلەك سى­ناق تاپ­سىردى. №40 مەكتەپ تۇلەگى ساعىندىق عيزات 125 بالل جيناپ, ەڭ جوعارى ءنا­تيجەگە جەتتى. ءجۇر­گىزىلگەن ساراپتا­ما­عا جۇگىن­سەك, ەم­تي­حاندى ءداستۇرلى تۇردە تاپ­سىرۋعا نيەت بىلدىرگەن ەلوردالىق 508 ءتۇ­لەكتىڭ 90 پايىزى ەل اۋماعىن­داعى جانە الىس جانە جاقىن شەتەل­دەر­دەگى جوو ستۋدەنتى اتانىپ ۇلگەرگەن. بيىل ەلوردانىڭ الماتىدان استاناعا كوشكەنىنە 11 جىل تولىپ وتىر. ءدال سول جىلى مەكتەپ تا­بالدىرىعىن العاش اتتاعان ءبىرىنشى سىنىپ وقۋشىلارى بۇگىندە مەكتەپ ءبىتىرىپ وتىرعان تۇلەكتەر. مىنە, وسى تۇلەكتەردى قۇتتىقتاعان قالا اكىمى يمانعالي تاسماعامبەتوۆ ولارعا “التىن بەلگى” توسبەلگىسى مەن ۇزدىك اتتەستاتتارىن تاپسىردى. ۆەنەرا تۇگەلباي.