«قازگيدرومەت» سينوپتيكتەرى 23 قىركۇيەككە ارنالعان اۋا رايى بولجامىن ۇسىندى, دەپ حابارلايدى Egemen.kz.
قاراعاندى وبلىسىندا وڭتۇستىك-باتىستان, باتىستان جەل سوعادى, كۇندىز وبلىستىڭ باتىسىندا, سولتۇستىگىندە, شىعىسىندا ەكپىنى 15-20 م/س دەيىن جەتەدى. سينوپتيكتەر وبلىستىڭ باسىم بولىگىندە جوعارى ءورت قاۋپى, ال شىعىسى مەن باتىسىندا توتەنشە ءورت قاۋپى ساقتالاتىنىن ەسكەرتتى.
قوستاناي وبلىسىندا سولتۇستىك-باتىستان, باتىستان جەل سوعىپ, تۇندە سولتۇستىگىندە, باتىسىندا ەكپىنى 15-20 م/س دەيىن جەتەدى. كۇندىز دە ءدال سول ەكپىنمەن جەل سوعادى. تۇندە باتىسىندا, سولتۇستىگىندە توپىراق بەتىندە -2 گرادۋس, ۇسىك جۇرەدى دەپ بولجانىپ وتىر. وبلىستىڭ وڭتۇستىگىندە جوعارى ءورت قاۋپى ساقتالادى.
ۇلىتاۋ وبلىسىندا وڭتۇستىك-باتىستان, باتىستان جەل سوعادى, كۇندىز ەكپىنى 15-20 م/س جەتەدى. ءوڭىردىڭ باسىم بولىگىندە جوعارى ءورت قاۋپى, ال سولتۇستىگى مەن وڭتۇستىگىندە توتەنشە ءورت قاۋپى ساقتالادى.
«تۇندە سولتۇستىك قازاقستان وبلىسىنىڭ وڭتۇستىك-باتىسىندا توپىراق بەتىندە -2 گرادۋس ۇسىك جۇرەدى. سولتۇستىك-باتىستان ەكپىنى 23-28 م/س بولاتىن جەل سوعادى. اقمولا وبلىسىندا باتىستان, سولتۇستىك-باتىستان جەل سوعادى, ەكپىنى 15-20 م/س دەيىن جەتەدى. ماڭعىستاۋ وبلىسىنىڭ باتىسىندا, سولتۇستىگىندە, شىعىسىندا نايزاعاي وينايدى. وبلىس بويىنشا توتەنشە ءورت قاۋپى ساقتالادى. سونداي-اق باتىس قازاقستان وبلىسىنىڭ سولتۇستىگىندە توپىراق بەتىندە -2 گرادۋس ۇسىك جۇرەدى دەپ بولجانىپ وتىر. دەسە دە, وبلىستىڭ سولتۇستىگىندە, سولتۇستىك-شىعىسىندا جوعارى ءورت قاۋپى, باسىم بولىگىندە توتەنشە ءورت قاۋپى ساقتالادى. اقتوبە وبلىسىنىڭ باسىم بولىگىندە جوعارى, وڭتۇستىگىندە, باتىسىندا, ورتالىعىندا توتەنشە ءورت قاۋپى ساقتالادى», دەيدى ماماندار.
«قازگيدرومەت» حابارلاعانداي, كۇندىز الماتى وبلىسىنىڭ تاۋلى اۋداندارىندا نايزاعاي وينايدى. وڭتۇستىك-باتىستان سوعاتىن جەل سولتۇستىك-باتىسقا ىعىسادى, كۇندىز وبلىستىڭ وڭتۇستىگىندە, تاۋلى اۋداندارىندا ەكپىنى 15-20 م/س دەيىن جەتەدى.
قىزىلوردا وبلىسىنىڭ باسىم بولىگىندە توتەنشە ءورت قاۋپى, وبلىستىڭ سولتۇستىك-باتىسىندا جوعارى ءورت قاۋپى ساقتالادى.
تۇركىستان وبلىسىنىڭ باسىم بولىگى مەن شىمكەنت شاھارىندا توتەنشە ءورت قاۋپى ساقتالادى.