اتىراۋ وبلىسىندا مۇمكىندىگى شەكتەۋلى 1 367 ادام سپورتتىڭ بىرنەشە تۇرىمەن شۇعىلدانىپ ءجۇر. ونىڭ ىشىندە 16 پاراسپورتشى پاريج پاراليمپياداسىندا پارا-دزيۋدو, پاراتاەكۆوندو, ۆولەيبولدى وتىرىپ ويناۋ, پاراۇستەل تەننيسى, پاراجەڭىل اتلەتيكادان باق سىنادى.
ماسەلەن, پاراتاەكۆوندودان نۇرلان دومباەۆ پەن پاراجەڭىل اتلەتيكادان گۇلباقىت قايىرجانوۆا ۇزدىك بەستىككە ەندى. ۆولەيبولدى وتىرىپ وينايتىن ۇلتتىق قۇرامانىڭ ساپىنا اتىراۋلىقتار قۋانىش تاجىكوۆ, باۋىرجان سارتاەۆ, پەردەباي نامۇراتوۆ, اقىلبەك شىكىباەۆ, بەرىك ىزماعانبەتوۆ, جانعالي سۇيەۋوۆ, نۇرتاۋ مۇقانبەتقاليەۆ پەن ەرلان بيتەمىروۆ ەندى. ولار كوماندامەن بىرگە بەسىنشى ورىنعا يە بولدى. پارادزيۋدودان ەل نامىسىن قورعاعان 5 پارادزيۋدوشىنىڭ ەكەۋى – زارينا رايفوۆا مەن جۇرقامىرزا شۇكىربەكوۆ پاراليمپيادانىڭ قولا جۇلدەگەرى اتاندى.
وبلىس اكىمى سەرىك شاپكنوۆ پاريجدە وتكەن XVII جازعى پاراليمپيادا ويىندارىنىڭ جۇلدەگەرلەرى مەن قاتىسۋشىلارىن سپورتتاعى جەتىستىگىمەن قۇتتىقتادى. اتىراۋدىڭ عانا ەمەس, ەل سپورتىن دامىتۋعا ۇلەس قوسقان پاراسپورتشىلارعا العىسحات پەن اقشالاي سەرتيفيكات تاپسىردى.
«سىزدەر پاريج پاراليمپياداسىنداعى جەتىستىكتەرىڭىزبەن جاستارعا ۇلگى كورسەتتىڭىزدەر. اتىراۋ جۇرتشىلىعى دا ەل نامىسى ءۇشىن ايانباي سىنعا ءتۇسىپ, كوزدەگەن ماقساتقا قول جەتكىزگەن وزدەرىڭىزدى ماقتان تۇتادى. الداعى ۋاقىتتا دا الار اسۋ بيىك بولىپ, جۇلدەلەرىڭىز كوبەيسىن», دەدى س.شاپكەنوۆ.
جەرگىلىكتى «Infinity Eco Park» كومپانياسى پاريج پاراليمپياداسىنىڭ قولا جۇلدەگەرلەرى زارينا رايفوۆا مەن جۇرقامىرزا شۇكىربەكوۆكە «Zeekr» اۆتوكولىگىن سىيعا تارتتى. ءدال وسىنداي كولىك جۇلدەگەرلەردىڭ باپكەرى جاندوس قيانوۆقا دا بەرىلدى.
اتىراۋ وبلىسى