عالام عاجاپتارى: ايعا دا اەس سالىنادى

ناقتى ۇدەرىس باياعىدا باستالعان. 2022 جىلى 3 كومپانيانىڭ ينجەنەرلەرىنە اي بەتىندە تۇرۋعا لايىقتى, قۋاتى 40 كي­لوۆاتتىق يادرولىق قوندىرعى جاساۋ تۋرالى پارمەن بەرىلگەن ەدى. ەرەجەگە سايكەس, ول 10 جىلعا دەيىن ىستەپ تۇرۋعا ءتيىس. جوبا قۇنى – 5 ملن دوللار. «ايداعى يادرولىق قۋات كوزىن كورسەتۋ وسى ەنەرگيانىڭ قاۋىپسىز ەكەنىن دالەلدەۋ, ايدا ۇزاق مەرزىمدى بارلاۋ ءۇشىن قاجەت», دەگەن ەدى «Nasa» تەح­نولو­گيالىق دەمونستراتسيالىق ميسسيالار باع­دارلاماسىنىڭ ديرەكتورى ترۋدي كورتەس.

كيەلى كەشىرىم

عالامنىڭ عاجابى دەگەن اتقا ابدەن لايىق ءبىر وقيعا بار. ول كەگىن كەشىرىمگە ايىرباستاعان انا تۋرالى.

بۇل وقيعا يراندا بولعان. 2007 جىلدىڭ كۇزىندە سامەرەح ەسىمدى ايەلدىڭ 18 جاستاعى ۇلى كىسى قولىنان قايتىس بولادى. قىلمىسكەر كىسى ولتىرگەنى ءۇشىن ءولىم جازاسىنا كەسىلدى. قىرشىن كەتكەن بوزبالانىڭ اتا-اناسى قىلمىسكەردى دارعا اساتىن كۇندى اسىعا كۇتەدى. ساعات جىلجىپ, مويىنعا ارقان تۇسەتىن كۇن تۋادى. قۇسادان قان جۇتقان ايەل دارعا اسىلايىن دەپ تۇرعان جىگىتتى كەشىرەدى. سوڭعى دەمى شىعار ۋاقىتتا ءبارىن توقتاتادى. توقتاتادى دا: «ەگەر بۇل ومىردە كەشىرۋگە بولمايتىن ءبىر قاتەلىك بولسا, ول – كەشىرە الماۋ» دەيدى. سول كۇنى كۇللى يران حالقى جىلاعان ەدى...

ءبىر كۇندى وتكىزىپ جىبەرەيىك...

مۇقاعاليدىڭ «ۋاقىتتى توق­تاتار شاماڭ بار ما؟» دەگەن ولەڭى ويعا ورالدى. ارتىنشا ۋا­قىت بەلدەۋىن جاقىندا عانا اۋىس­تىرعانىمىز ەسكە ءتۇستى. ال قازىر ساموا شتاتىنىڭ كۇن­تىزبەدەن ءبىر كۇندى الىپ تاستا­عانىنا تاڭعالىپ وتىرمىن.

ساموا شتاتىندا 2011 جىلدىڭ 30 جەلتوقسانى بولعان جوق. مۇنداي شەشىمدى بيلىك ۋاقىت بەلدەۋىن UTC–11-دەن UTC+13-كە اۋىستىرۋ ءۇشىن قابىلدادى. ونىڭ سەبەبى تىپتەن قىزىق. اۋەلدە ساۋدا قاتىناستارى اقش پەن ۇلىبريتانياعا باعىتتالعان-تۇعىن. كەيىنىرەك ىسكەرلىك باعىت اۋستراليا مەن جاڭا زەلاندياعا ءوتتى. سولاي ءبىر كۇندى الىپ تاستاپ, ەكى ەل اراسىنداعى ۋاقىت ايىرماشىلىعىن جويدى.