سەنات توراعاسى ماۋلەن اشىمباەۆ باستاعان اتوم ەلەكتر ستانساسىن سالۋدى قولداۋ جونىندەگى حالىق شتابىنىڭ مۇشەلەرى كەشە الماتى وبلىسىنا باردى. شتاب قۇرامىندا دەپۋتاتتار, ساراپشىلار, قوعام قايراتكەرلەرى بار. ولار وڭىردە كاسىپورىن ۇجىمدارىمەن, كاسىپكەرلەرمەن جانە جەرگىلىكتى جۇرتشىلىقپەن كەزدەسىپ, ەلىمىزدە اەس سالۋعا قاتىستى رەفەرەندۋم وتكىزۋ ماسەلەلەرىن تالقىلادى.
ماۋلەن اشىمباەۆ وبلىس جۇرتشىلىعىمەن كەزدەسۋدە مەملەكەت باسشىسىنىڭ اەس سالۋ ماسەلەسىنە قاتىستى جالپىۇلتتىق رەفەرەندۋم وتكىزۋ تۋرالى باستاماسىنىڭ ماڭىزىنا نازار اۋداردى. «بۇگىن پرەزيدەنت قاسىم-جومارت كەمەل ۇلى توقاەۆتىڭ اەس سالۋ ماسەلەسى بويىنشا جالپىۇلتتىق رەفەرەندۋم وتكىزۋ تۋرالى باستاماسىن تالقىلاۋعا ارنايى كەلىپ تۇرمىز. مۇنداي ماڭىزدى ماسەلەنى داۋىسقا سالۋ «حالىق ۇنىنە قۇلاق اساتىن مەملەكەت» تۇجىرىمداماسىنىڭ جارقىن كورىنىسى ەكەنى ءسوزسىز. بۇل رەتتە ءار ازاماتتىڭ داۋسى ۇلكەن مانگە يە. سوندىقتان ەلدىڭ بولاشاعى ءۇشىن دۇرىس شەشىم قابىلداۋىمىز كەرەك», دەدى م.اشىمباەۆ.
سونىمەن قاتار شتاب مۇشەلەرى «Green Land Alatau» جىلىجايىندا وتكەن كەزدەسۋدە وتاندىق كاسىپورىنداردى ەنەرگيامەن تۇراقتى قامتاماسىز ەتۋ ماسەلەسىنە باسا ءمان بەردى. قازىرگى تاڭدا ەلدىڭ ەنەرگەتيكالىق سەكتورى نەگىزىنەن كومىر ەلەكتر ستانسالارىنا تاۋەلدى. سوندىقتان سەنىمدى جانە قاۋىپسىز ەنەرگيا كوزى اۋىل شارۋاشىلىعى تاۋارىن وندىرۋشىلەردىڭ تۇراقتى دامۋى ءۇشىن دە اسا ماڭىزدى ەكەنى ءسوز بولدى.
وڭىردەگى شاعىن جانە ورتا بيزنەس وكىلدەرىمەن كەزدەسۋ بارىسىندا سەنات توراعاسى جاڭا جۇمىس ورىندارىن اشۋدىڭ, ءىرى جوبالاردى ىسكە اسىرۋعا ىقپال ەتەتىن ينفراقۇرىلىمدى دامىتۋدىڭ ماڭىزىنا توقتالدى. سونداي-اق عىلىمي-تەحنيكالىق پروگرەستىڭ, ەنەرگەتيكاداعى يننوۆاتسيالىق تەحنولوگيالاردىڭ, جوعارى تەحنولوگيالىق سەكتوردىڭ جانە ەلىمىزدەگى عىلىمي زەرتتەۋلەردىڭ ماڭىزى دا اڭگىمەگە ارقاۋ بولدى.
الماتى وبلىسىنا ساپار اياسىندا حالىق شتابىنىڭ مۇشەلەرى ش.شوكين اتىنداعى قاپشاعاي گەس-ءنىڭ قىزمەتىمەن تانىسىپ, ستانسا ماماندارىمەن, باسشىلىعىمەن ەنەرگەتيكا سالاسىن دامىتۋ كەلەشەگىن تالقىلادى.