پوليتسيا قىلمىستىق ءىس قوزعاعان جوق, دەپ حابارلايدى Egemen.kz سايتىنىڭ ءتىلشىسى Pavlodarnews باسىلىمىنا سىلتەمە جاساپ.
بالا قۇقىقتارى جونىندەگى ايماقتىق ۋاكىل ساۋلە شاكەنەۆانىڭ ايتۋىنشا, وقيعا 11 قىركۇيەك تۇستەن كەيىن دۇكەننىڭ جانىندا بولعان.
التىنشى سىنىپ وقۋشىسى ەكى قۇرداسىن جينالمالى پىشاقپەن جاراقاتتاعان.
ولار بۇل تۋرالى ەشكىمگە ايتپاي, ساباققا قاتىسپاستان ۇيگە كەتكەن. كەيىن ەكەۋى دە دارىگەرگە جۇگىنۋگە ءماجبۇر بولىپتى.
– ءبىر بالانىڭ سول جاق جامباسىندا پىشاقپەن كەسىلگەن جاراقات, ەكىنشىسىندە سول جاق جامباستا سوعىلعان جارا بولدى. مەديتسينالىق كومەك كورسەتكەننەن كەيىن وقۋشىلار امبۋلاتوريالىق ەمدەۋگە جىبەرىلدى, – دەپ ناقتىلادى دەنساۋلىق ساقتاۋ باسقارماسى.
كەلەسى كۇنى ءجابىر كورگەن بالالاردىڭ اتا-اناسى مەكتەپ اكىمشىلىگىنە حابارلاعان, ولار ءوز كەزەگىندە ءبىلىم ءبولىمى مەن پوليتسيانى قۇلاعدار ەتكەن.
پوليتسيا دەپارتامەنتى قىلمىستىق ءىس قوزعالماعانىن جەتكىزدى, ويتكەنى وقۋشى ءالى 14 جاسقا تولماعان. ونىڭ ءىس-ارەكەتىنە اتا-اناسى جاۋاپتى.
– كۇدىكتى قىلمىستىق جاۋاپكەرشىلىككە تارتاتىن جاسقا جەتكەن جوق. وسىعان بايلانىستى اتالعان فاكتى بويىنشا قىلمىستىق ءىس قوزعالمادى. زاڭدى وكىل بالانى تاربيەلەۋ, قۇقىعىن قورعاۋ جانە قاۋىپسىزدىگىن قامتاماسىز ەتۋ جونىندەگى مىندەتتەرىن ورىنداماعانى ءۇشىن اكىمشىلىك جاۋاپكەرشىلىككە تارتىلدى, – دەپ ءتۇسىندىردى.
ساۋلە شاكەنەۆا زارداپ شەككەن وقۋشىلار ساباققا قايتا ورالعانىن, ولاردىڭ دەنساۋلىعىنا ەشقانداي قاۋىپ جوق ەكەنىن ايتتى.
پىشاقتاعان وقۋشى ەندى ۇيدە وقيدى. مۇنداي شەشىم كامەلەتكە تولماعاندار ىستەرى جانە ولاردىڭ قۇقىعىن قورعاۋ كوميسسياسىنىڭ كەزەكتەن تىس وتىرىسىندا قابىلداندى.