12 قىركۇيەك كۇنى الماتى وبلىسى قاسكەلەڭگە كىرە بەرىس كوپىردە جولاۋشىلار اۆتوبۋسى اۋدارىلىپ كەتىپ, شاعىن اۆتوبۋستىڭ ۇستىنە قۇلاعان. وبلىستىق پوليتسيا جول-كولىك وقيعاسىنا بايلانىستى قىلمىستىق ءىس قوزعالعانىن حابارلادى, دەپ جازادى Egemen.kz.
الدىن الا بولجام بويىنشا 78-باعىتتىڭ جۇرگىزۋشىسى كەرى باعىتقا بۇرىلۋ بارىسىندا رۋلگە يە بولا الماي قالىپ, قورشاۋدى بۇزىپ ءوتىپ تاشكەنت تاس جولىندا كەتىپ بارا جاتقان شاعىن اۆتوبۋستىڭ ۇستىنە قۇلاعان.
اۋىر سوققىدان شاعىن اۆتوبۋستىڭ ارتقى جاعى ج ۇلىنىپ كەتكەن. ال ىشىندە 7 جولاۋشى بولعان.
جولاۋشىلار اۆتوبۋسى جۇرگىزۋشىسى جامباس سۇيەگى سىنىپ جان ساقتاۋ بولىمىنە تۇسكەن. شاعىن اۆتوبۋس جۇرگىزۋشىسى مەن جولاۋشىلار مەديتسينالىق تەكسەرىستەن كەيىن ۇيلەرىنە جىبەرىلگەن.
وبلىستىق پوليتسيا جول اپاتىنا قاتىستى قىلمىستىق ءىس قوزعادى.
«12 قىركۇيەكتە «يۋتونگ اۆتوبۋسىنىڭ» جۇرگىزۋشىسى «الماتى-بىشكەك» تاس جولىنىڭ 25-ءشى شاقىرىمىندا كەلە جاتىپ, كەرى بۇرىلۋ مانەۆرىن جاساپ, ءرۋلدى باسقارا الماي, قورشاۋعا سوعىلىپ, كەيىن قۇلاپ كەتكەنى انىقتالدى. كوپىردەن اۋدارىلعاندا Mercedes Benz Sprinter كولىگىنىڭ ارتقى جاعىنا قۇلاعان. جول اپاتى كەزىندە اۆتوبۋس جۇرگىزۋشىسى ەس-ءتۇسسىز بولعان, زارداپ شەككەندەر جوق», دەلىنگەن الماتى وبلىسى پوليتسيا دەپارتامەنتىنىڭ حابارلاماسىندا.