ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىس جونىندەگى ورىنباسارى قايرات ۇمبەتوۆ 3 جىل 9 ايدا ۇلتتىق ۇلان ساپىندا جۇرگەن 11 ساربازدىڭ قايتىس بولعانىن مالىمدەدى, دەپ جازادى Egemen.kz.
سونداي-اق وسى ۋاقىت ارالىعىندا ۇلتتىق ۇلان قاتارىندا 58 اسكەري قىزمەتشى كوز جۇمعان.
قايعىلى وقيعالاردىڭ قايدا, قالاي بولعانىن قايرات ۇمبەتوۆ بۇگىن «AMANAT» پارتياسى جانىنداعى جاستاردى قولداۋ جونىندەگى رەسپۋبليكالىق كەڭەستىڭ كەزەكتى وتىرىسىندا باياندادى.
سپيكەردىڭ ايتۋىنشا, 2022 جىلعى قاڭتار وقيعاسى كەزىندە ۇلتتىق ۇلاننىڭ 2 ساربازى باقيلىق بولعان.
«ۇلتتىق ۇلان قاتارىندا سوڭعى ءۇش جىل مەن 2024 جىلدىڭ 9 ايىندا 58 اسكەري قىزمەتشى كوز جۇمعان بولسا, ونىڭ ىشىندە ساربازدار سانى - 11. قالعاندارى – وفيتسەرلەر مەن كەلىسىمشارت بويىنشا جۇمىس ىستەيتىن اسكەري ادامدار. تاعى ەكى اسكەري قىزمەتكەر جول اپاتىنان قازا تاپتى. ياعني وزدەرى دەمالىپ جۇرگەندە نەمەسە جۇمىستان تىس ۋاقىتتا كوز جۇمدى», دەدى قايرات ۇمبەتوۆ.
ال ۇلتتىق ۇلاننىڭ الماتى قالاسىندا ورنالاسقان 5574 اسكەري ءبولىمىنىڭ ساربازى الماز ءشاحيموۆتىڭ ۇستىنە شاتىر قۇلاپ, قايتىس بولعانى حابارلانعان ەدى. الايدا تۋىستارى ساربازدىڭ دەنەسىنە جۇرگىزگەن زەرتتەۋدە پىشاق جاراقاتى مەن تەمەكى ءىزى تابىلعانىن مالىمدەگەن.
«ۇلتتىق ۇلان قاتارىنداعى 29 اسكەري قىزمەتشى اۋرۋدان قازا تاپتى. ولاردىڭ ىشىندە سارباز بولىپ قازا تاپقانى - 4 ادام. ياعني اسكەرگە كەلگەن ءتورت ادام دەنساۋلىعى جارىمسىز بولىپ, اۋرۋدان قازا تاپقان. تاعى ءبىر اسكەري قىزمەتشىنى توق ۇرىپ قازا تاپتى. بيىل ءبىر اسكەري قىزمەتشى دەمالىس كەزىندە قايتىس بولدى. وسىلايشا, وسى 58 فاكتىنىڭ ىشىندە 2021 جىلى 5 سارباز, 2022 جىلى – 4 سارباز, 2023 جىلى - ءبىر سارباز قازا تاپسا, 2024 جىلدىڭ توعىز ايى ىشىندە مۇنداي قايعىلى وقيعا بولعان جوق. بۇل مەنىڭ رەسمي مالىمدەمەم», دەدى ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىس جونىندەگى ورىنباسارى.