اپاتتار مەديتسيناسى ورتالىعىنىڭ قىزمەتكەرلەرى ءوزىن جايسىز سەزىنگەن ەر ادامعا كومەك كورسەتتى, دەپ حابارلايدى Egemen.kz.
الماتىدان قاراعاندىعا بەت العان كولىكتەن ءبىر جولاۋشىنىڭ دەنساۋلىعى ناشارلاپ كەتكەنى تۋرالى تراسسالىق مەديتسينالىق-قۇتقارۋ پۋنكتىنە ءتۇن ورتاسىندا قۇلاعدار ەتىلگەن.
تجم حابارلاماسىندا: «جەدەل ارەكەت ەتۋ بريگاداسىنىڭ دارىگەرلەرى 1981 جىلى تۋعان ەر ادامعا 2 بانكا ەنەرگەتيكالىق سۋسىن ىشكەننەن كەيىن پايدا بولعان ءجىتى پانكرەاتيت دياگنوزىن قويدى. مەديتسينالىق كومەك كورسەتىلگەننەن كەيىن ناۋقاس بالقاش قالاسىنىڭ اۋرۋحاناسىنا جەتكىزىلدى», دەلىنگەن.