لەبىزدەر لەگى: ەتنواۋىل كورىنىسىنە كوز تويادى

– ءوز باسىم دۇنيەجۇزىلىك كوشپەلىلەر ويىنىنا ەكىنشى رەت قاتىسىپ وتىرمىن. قازاقستانعا ساپارلاپ كەلگەنىمىزگە وتە قۋانىشتىمىن. اشىلۋ سالتاناتى جوعارى دەڭگەيدە ءوتتى. ەتنواۋىل تورىندە ورنالاسقان ەتنومادەني شارالار تاماشا اسەر قالدىردى. قاراساڭىز كوز تويمايتىن قولدانبالى ونەر تۋىندىلارى قازاق مادەنيەتىنىڭ بەلگىسى ەكەنى انىق.

جالپى, ءداستۇرلى ساداق اتۋ ءستيلى ءبىزدىڭ ەلدە جاقسى دامىعان. كورەيادا ساداق قارۋىنىڭ پايدا بولعانىنا جەتى مىڭ جىل تولدى دەگەن تاريحي بولجام بار. وعان دالەل, كورەيانىڭ ۋلسان قالاسىندا ەجەلگى ءبىر ۇڭگىردەن ساداقپەن كيت اتىپ جاتقان سۋرەت تابىلعان. بۇل سۋرەت شامامەن 7 مىڭ جىل بۇرىن سالىنعان دەپ جوبالانادى.

وسىنىڭ جالعاسى قازىرگى كورەي ساداعى باسقالاردان كىشىرەك, ىڭعايلى, سوندىقتان دا ەلىمىزدە بۇل سپورت كەڭىنەن تاراعان. ەلىمىزدە 400-گە جۋىق ساداق اتۋ ورتالىعى جۇمىس ىستەيدى. وندا كەز كەلگەن ادام ساداقتىڭ جاسالۋ جولىمەن تانىسىپ, تەگىن جاتتىعا الادى. ورتا مەكتەپتەردە جاسوسپىرىمدەرگە ارنالعان ساداق اتۋ ساباقتارى وتكىزىلەدى.

بۇيىرسا, كەلەسى جىلى ءداستۇرلى ساداق اتۋدان حالىقارالىق جارىس ۇيىمداستىرۋ ويدا بار. وسىعان قازاقستاندىق مەرگەندەردى شاقىرامىن. بۇل شارا بۇعان دەيىن توعىز دۇركىن وتكەن بولاتىن. جارىس كەزىندە تەك ساداق اتۋ عانا ەمەس, كوپتەگەن سپورتتىق بۇقارالىق ويىندار ۇيىمداستىرىلادى.