اۋىلعا ينۆەستور كەلدى

ءتورت ت ۇلىك مالدىڭ سۇ­مە­سىمەن كۇن كورىپ وتىر­عان اۋىلدىڭ شارۋا قوجالىق­تا­رىن­دا جانە مالساق قاۋىمنىڭ باعى­مىندا 400-دەن استام قارا مال, 600-دەن استام جىلقى بار.

– اۋىل ىشىندەگى جولدار­دى ورتاشا جوندەۋدەن وتكىزۋگە ­152 ميلليون تەڭگە قاراجات قا­راس­تىرىلدى, – دەيدى سەلولىق وك­رۋگ اكىمى سامات بەرماعانبەتوۆ, – كونكۋرس قورىتىندىسىنا سايكەس كىرەبەرىستەگى جولدى «دورستروي كوكشە» سەرىكتەستىگى, ال قارسى بەتكەيدەگى جولدى «كوكشەتاۋ جولدارى» سەرىكتەستىگى جوندەۋ­دە. 4 035 مەتر جولعا اسفالت جا­مىلعى توسەلدى.

2012–2022 جىلدارى ەگىستىك ال­قاپتارى ەكىنشى دەڭگەيدەگى بانك­­تە كەپىلدىكتە تۇرىپ, ەڭسە­لە­رىن ءتۇسىرىپ كەلگەن بولاتىن. يگە­رىلمەي جاتقان بوس جەرلەردى ين­ۆەستورلار ساتىپ الىپ 40 مىڭ گەك­تار قۇنارلى جەردى يگەرۋگە كىرىسىپتى. مۇنى اق تۇيەنىڭ قار­نى جارىلعان ادەمى وقيعا دەۋ­گە بولادى. پرەزيدەنت تاياۋ­داعى جولداۋىندا وسى ماسە­لەنى قاداپ ايتقان بولاتىن. اۋىل­داعى تىرشىلىكتىڭ قايتا ور­لە­ۋىنە «التىن بيداي NS» جانە «اگروسفەرا KZ» جشس قوماقتى ۇلەس قوسىپ وتىر. ەڭ باستىسى, اۋىل تۇرعىندارى تۇراقتى جۇ­مىس­قا ورنالاسىپ, تابىس تاۋىپ جاتىر. سەرىكتەستىكتەر جاڭا اس­تىق كومبايندارىن, وزگە دە تەحني­كالاردى اكەلۋدە. ەگىن وسىرۋمەن قاتار, قارا مال باقپاق. مالدىڭ الدى جەتكىزىلگەن. مال قورالارى دايىندالعان. شىنتۋايتىندا, بۇل ەل ءۇشىن ءتيىمدى ءىس. مال بولسا, جىل بويى تۇراقتى جۇمىس تا بولادى.

جۇمىسىن جاڭا باستاپ جات­قا­نىمەن, سەرىك­تەستىكتەر ەلگە قاراي­لاسۋدى پارىز سانايتىن سىڭايلى. «التىن بيداي NS» سەرىكتەستىگى اۋىلدىڭ 90 جىلدىعىنا وراي قۇنى 12 ملن تەڭگە تۇراتىن فۋتبول الاڭىن سالىپ بەرىپتى. جاڭا جىل قارساڭىندا اۋىلداعى 93 بالاعا سىي-سىياپات جاساعان.

– سەرىكتەستىك اۋىل تۇرعىندا­رىنا كوپ-كورىم كومەك كورسەتىپ جاتىر, – دەيدى ەل اعاسى, ءبىرجان سال اۋدانىنىڭ قۇرمەتتى ازاماتى امانجول بەكبولاتوۆ, – بىلتىر اۋىل تۇرعىندارىنا 15 توننا ارپا تاراتتى. ەلدى مەكەندى كوگالداندىرۋعا, اباتتاندىرۋعا دەن قويدى. قارجىلاي كو­مەك بەرۋمەن قاتار, ارنايى تەحنيكا جۇمىل­دىردى. تاسقىننىڭ الدىن الۋ ماقساتىندا قى­رۋار جۇمىس اتقاردى. ەل ازاماتتارىمەن بىر­لەسىپ اۋىل ىشىندە قار­عىن سۋدى وتكىزەتىن قۇبىر­لاردى سالىپ, رەتكە كەل­تىردى. كوكتەمگى قار سۋى تۇر­عىندارعا كەسىرىن تيگىزبەۋ ءۇشىن جىلعا-جىلعانى قۋا­لاپ ارىق قازدى. جاز ايلارىندا ءتىلسىز جاۋدىڭ الدىن الۋعا دا سەپتىگى ءتيىپ تۇر.

مەكتەپ تە جاق­سى­لىق­تان قاعىس قالماعان. بيىل 225 ملن تەڭگەگە كۇردەلى جوندەۋ جۇمىستارى جۇرگىزىلگەن.

– جارتى عاسىرعا جۋىق ۋاقىت بۇرىن سالىنعان مەكتەپ ءۇيى بيىل مەملەكەت قامقورلىعىنىڭ ارقاسىندا وزگەشە كەيىپكە ەن­دى, – دەيدى مەكتەپ ديرەكتورى گۇل­نار ءسادۋوۆا, – بارلىق ءپان كا­بينەتتەرى جوندەلىپ, سىلانىپ, سىرلانىپ, كوزتارتارلىق بولىپ قالدى. مەكتەپتە 19 ۇستاز ءدارىس بەرەدى. جاڭا وقۋ جىلىنان باس­تاپ 76 وقۋشى ءبىلىم الىپ جاتىر. ۇستازداردىڭ 17-ءسى – جوعارى ءبىلىمدى. جوندەۋ جۇمىستارى ءسال كەشەۋىلدەگەنىمەن, ەندى ون كۇن­نىڭ ىشىندە اياقتالماق. قازىر سپورت زالىنىڭ سوڭعى جۇمىس­تا­رى قالدى. اۋىلداعى سەرىكتەس­تىك­تەر ءبىلىم وشاعىن جابدىقتاۋ­عا كومەكتەسىپ جاتىر. وقۋشىلار­­­دى تەگىن اسپەن قامتاماسىز ەتۋگە ­قول­ۇشىن بەرىپ وتىر.

توڭىرەگى مۇنتازداي تازا ەلدى مەكەنىندە قاتتى تۇرمىس­تىق قالدىقتار پوليگونىنىڭ جو­با­لاۋ-سمەتالىق قۇجاتتاماسى ازىر­لەنىپ جاتىر ەكەن. اۋىل تا­زالىعىنا ايرىقشا ءمان بە­رەتىن ەل ازاماتتارى «تازا قا­زاقستان» باستاماسىن ءبىر ادامداي قولداپ, 7 رەت سەنبىلىك, 7 رەت تازا بەيسەنبىلىك شارالارىن وتكىزىپتى. قازىر كولدەنەڭ جاتقان ءبىر بۇراۋ جوق. اۋىل ىشىندەگى ەكى اۆتوبۋس ايالداماسى اقتا­لىپ, تا­زارتىلعان. 86 جارىقتان­دى­رۋ تىرەگى ورناتىلعان. «جاسىل ايماق» رەسپۋبليكالىق اكتسياسى اياسىندا ەكىنشى دۇنيەجۇزىلىك سو­عى­سىنا قاتىسۋشىلارىنا ار­نال­عان ەسكەرتكىش ماڭىنا كوشەت وتىرعىزىلىپتى.

– اۋىلىمىز وتە ۇيىمشىل, – دەيدى اكىمدىك اپپاراتىنىڭ باس ­مامانى ءماريام نۇرماعانبە­توۆا, – جالپى جۇرتقا قاتىستى كەز كەلگەن يگىلىكتى شارۋانى قول­داپ, ءبىر ادامداي بىرىگىپ كەتەدى. مەملەكەت تاراپىنان جاسا­لىپ وتىرعان قامقورلىق تۋرالى ايتاتىن بولساق, ۇيالى بايلا­نىستى جەتىلدىرۋ ءۇشىن «قولجەتىمدى ينتەرنەت» ۇلتتىق جوباسى اياسىن­دا 2025 جىلى رەسپۋبليكالىق ­بيۋدجەت ەسەبىنەن ۆولس قۇرىل­عى­سىن ورناتۋ قاراستىرىلعان. ء­مو­بيل­دى بايلانىستى قامتا­ما­سىز ­ەتۋ ماقساتىندا انتەننا ورناتۋ ­جوسپارلانىپ وتىر. بۇگىنگى كۇنى جەر تەلىمى راسىمدەلۋدە.

كۇزگى اۋىل كەلبەتىندە كەلەر قىستىڭ قامىن جەۋ بايقالادى. ءار ءۇيدىڭ مال قورالارىنىڭ ما­ڭىندا قويانجون مايالار بوي كوتەرىپتى.

– وتكەن قىس مالساق قا­ۋىم ءۇشىن وتە اۋىر بولدى, – دەيدى امانجول بەكبولاتوۆ, – كوك­تەم شىعىسىمەن جايىلىم­دا قالعان ولەكسەلەردى جيناپ, ارنايى شۇڭقىر قازىپ, زالال­سىز­داندىردىق. بيىل اۋىل تۇر­عىندارىنا قىسقا ەرتە قامدانۋ قاجەتتىگىن ايتىپ-اق ءجۇرمىن. ءبىر جاقسىسى, سەرىكتەستىك باسشى­لارى قولى قىسقا ادامدارعا قا­راي­لاسىپ, بۋما-بۋما شوپتەرىن بەرىپ جاتىر. وتكەن قىستا جانىمىز قىسىلعاندا وسىنداي ءۇش ءجۇز كەلىلىك ءبىر بۋما ءشوپ­تى 25 مىڭ تەڭگەدەن ساتىپ الىپ ەدىك. نەگىزىندە اۋىلعا وسى سە­رىكتەستىكتەردىڭ كەلگەنى, ەل يگى­لىگىنە پايداسى تيمەي جات­قان جەرىمىزدى الىپ جۇمىس ىستەگەنى جاقسى بولىپ تۇر. بۇ­گىن مىنا مەك­تەپ­تەگى قۇرىلىس جۇ­مىس­تارىنىڭ بارىسىن كورەيىن دەپ كەلىپ ەدىم. ەندى از كۇندە اياقتالاتىن سىڭايى بار.

ەل قامىن جەگەن وسىنداي اقساقالى, شاراپاتىن تيگىزىپ جاتقان ينۆەستورلارى بار اۋىل نەسىبەسى مول بولارى انىق.

اقمولا وبلىسى,

ءبىرجان سال اۋدانى