پرەزيدەنت نۇرسۇلتان نازارباەۆ مەملەكەتتىك حاتشى گۇلشارا ابدىقالىقوۆانى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
گ.ابدىقالىقوۆا الداعى مەرەيتويلىق داتالاردى – قازاق حاندىعىنىڭ 550 جىلدىعىن, ۇلى وتان سوعىسىنداعى جەڭىستىڭ 70 جىلدىعىن, كونستيتۋتسيانىڭ جانە قازاقستان حالقى اسسامبلەياسىنىڭ 20 جىلدىعىن مەرەكەلەۋگە دايىندىق بارىسى تۋرالى باياندادى.
نۇرسۇلتان نازارباەۆ وسى ءىس-شارالاردىڭ جاستاردى پاتريوتتىق رۋحتا تاربيەلەۋ, مەملەكەتتىلىكتى نىعايتۋ, سونداي-اق, رەسپۋبليكادا بىرلىك پەن كەلىسىمدى قامتاماسىز ەتۋ ءۇشىن ماڭىزدىلىعىن اتاي وتىرىپ, ورتالىق جانە وڭىرلىك دەڭگەيدە تياناقتى ۇيىمداستىرۋ قاجەتتىگىنە نازار اۋداردى.
كەزدەسۋ قورىتىندىسى بويىنشا مەملەكەت باسشىسى بىرقاتار ناقتى تاپسىرمالار بەردى.