پرەزيدەنت قاسىم-جومارت توقاەۆ مەملەكەت قايراتكەرى سات توقپاقباەۆقا «حالىق قاھارمانى» اتاعىن بەرۋ تۋرالى جارلىققا قول قويدى, دەپ جازادى Egemen.kz.
«پرەزيدەنت جارلىعىمەن قازاقستان رەسپۋبليكاسىنا سىڭىرگەن اسا ۇزدىك ەڭبەگى ءۇشىن مەملەكەت قايراتكەرى ءسات بەسىمباي ۇلى توقپاقباەۆقا «حالىق قاھارمانى» اتاعى بەرىلىپ, ايرىقشا ەرەكشەلىك بەلگىسى – التىن جۇلدىز بەن «وتان» وردەنى تاپسىرىلدى», دەلىنگەن اقوردا تاراتقان اقپاراتتا.
ءسات توقپاقباەۆ تاۋەلسىزدىك العان جىلدارى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى, قر پرەزيدەنتىنىڭ كۇزەت قىزمەتىنىڭ باستىعى, رەسپۋبليكالىق گۆارديانىڭ قولباسشىسى, قر قورعانىس ءمينيسترى, قر تۇڭعىش پرەزيدەنتىنىڭ كەڭەسشىسى جانە پارلامەنت دەپۋتاتى قىزمەتتەرىن اتقارعان.