استانا. 26 قاڭتار. گرەكتىڭ XX عاسىرداعى ەڭ تانىمال ءانشىسى دەميس رۋسسوس قايتىس بولدى. بۇل تۋرالى ريا «نوۆوستي» حابارلادى.
ءوزىنىڭ مۋزىكالىق ءومىر جولىندا دەميس رۋسسوس حيتكە اينالعان كوپتەگەن اندەر شىعارىپ, بۇكىل الەمگە 60 ملن. تارالىممەن البومدارىن تاراتتى.
گرەك تەنورى كوپتەگەن حيتتاردىڭ اۆتورى رەتىندە دە تانىمال.
«گرەكتىڭ بەلگىلى ءانشىسى دەميس رۋسسوس 68 جاسىندا افيناداعى اۋرۋحانالاردىڭ ءبىرىندى قايتىس بولدى», - دەپ جازادى جەرگىلىكتى Proto thema گازەتى.
ءولىمنىڭ سەبەبى ەندى انىقتالادى.
رۋسسوس 1946 جىلى 15 ماۋسىمدا ەگيپەتتەگى الەكساندريا قالاسىندا تۋعان. ال ولاردىڭ وتباسىسى تاريحي وتاندارى – گرەكياعا 1950-جىلداردىڭ ورتاسىندا كوشىپ كەلدى.
دەميس رۋسسوس (شىن اتى-ءجونى – ارتەميس ۆەنتۋروس رۋسسوس) مۋزىكالىق ءومىر جولىن 17 جاسىندا Aphrodite's Child توبى قۇرامىندا باستادى. 1968 جىلى ەلدە «قارا پولكوۆنيكتەر» جااساعان توڭكەرىستەن كەيىن توپ پاريجگە قونىس اۋداردى. ونىڭ اتاق-داڭقى دا وسىندا شىقتى.
دەميس ءوزىنىڭ جەكە ورىنداۋشىلىق مانسابىن 1971 جىلى باستادى.
مۇرات ايتقوجا.
دەرەك, سۋرەت: ريا «نوۆوستي».