استانا. 26 قاڭتار. پرەزيدەنت اكىمشىلىگىنىڭ كەلىسىمىمەن جانە الماتى ءوڭىرىنىڭ باسشىسى اماندىق باتالوۆتىڭ وكىمىمەن وبلىس اكىمىنىڭ ورىنباسارى قىزمەتىنە ءابدىرايىموۆ عالىمجان رايىل ۇلى تاعايىندالدى. بۇل تۋرالى zhetysu-gov.kz حابارلادى.
ع.ءابدىرايىموۆ 1965 جىلى تۋعان. ءبىلىمى جوعارى. جامبىل گيدرومەليوراتيۆتىك-قۇرىلىس ينستيتۋتىن جانە «تۇران» ۋنيۆەرسيتەتىن بىتىرگەن. ماماندىعى – قۇرىلىس ينجەنەرى جانە زاڭگەر.
ەڭبەك جولىن جامبىل وبلىسىندا «شىعىس» كولحوزىندا قۇرىلىس ۋچاسكەسىنىڭ ماستەرى بولىپ باستادى. ءار جىلدارى شارۋا قوجالىعىنىڭ توراعاسى, ساۋلەت-قۇرىلىس فيرماسىنىڭ اتقارۋشى ديرەكتورى, الماتى قالالىق ورتالىعى ليتسەنزيالاۋ, ساۋلەت-قالا قۇرىلىسى قىزمەتىنىڭ ساراپشىسى, باس مامانى, ءبولىم باستىعى, ديرەكتورى, الماتى وبلىسى بويىنشا ساۋلەت-قۇرىلىس باقىلاۋ جانە ليتسەنزيالاۋ اۋماقتىق باسقارماسىنىڭ باستىعى, استانا قالاسى بويىنشا يندۋستريا, ساۋدا جانە شاعىن بيزنەستى قولداۋ دەپارتامەنتى ديرەكتورىنىڭ ورىنباسارى, الماتى وبلىسىنىڭ مەملەكەتتىك ساۋلەت-قۇرىلىس باقىلاۋ باسقارماسىنىڭ باستىعى, قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى مەملەكەتتىك ساۋلەت-قۇرىلىس باقىلاۋ, قاداعالاۋ, ليتسەنزيالاۋ جانە اتتەستاتتاۋ دەپارتامەنتىنىڭ ديرەكتورى – قازاقستان رەسپۋبليكاسىنىڭ مەملەكەتتىك قۇرىلىس ينسپەكتورى, قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى توراعاسىنىڭ ورىنباسارى قىزمەتتەرىن اتقاردى.
2014 جىلعى قىركۇيەكتەن الماتى وبلىسى اكىمى اپپاراتىنىڭ باسشىسى بولىپ قىزمەت ەتىپ كەلدى.
جولدىباي بازار.
دەرەك, سۋرەت: zhetysu-gov.kz.