پرەزيدەنت تاپسىرماسىمەن اقتوبە وبلىسىندا تاسقىن زاردابىن تارتقان وتباسىلارعا قاجەتتى كومەك كورسەتىلىپ جاتىر. وسى ورايدا ىرعىز اۋدانى ورتالىعى – ىرعىزدا بۇگىن 51 ءۇي قولدانىسقا بەرىلدى, دەپ حابارلايدى Egemen.kz.
اتالعان وبلىس اكىمدىگىنىڭ مالىمەتىنشە, سۋ تاسقىنىنان كەيىن باسپاناسىز قالعان ىرعىزدىقتارعا ۇيلەردىڭ كىلتتەرىن سالتاناتتى تابىستاۋ راسىمىنە وبلىس اكىمىنىڭ ورىنباسارى اسىلبەك ەسەنباەۆ, اۋدان اكىمى نۇرلان قىزبەرگەنوۆ, ERG جانە «قامقور اقتوبە 2024» قورىنىڭ وكىلدەرى قاتىسىپ, ءۇي يەلەرىن قۇتتىقتادى.
ء«بىرىنشى جانە قايتالاما نارىقتاعى پاتەرلەردى ساتىپ الدىق. 500 تۇرعىن ءۇي سالىپ جاتىرمىز. بۇل رەتتە تابيعي اپاتتان زارداپ شەككەندەردى باسپانامەن قامتۋعا دەمەۋشىلىك جاساپ جاتقان ەلىمىزدەگى ءىرى كومپانيالارعا, كاسىپكەرلەرگە العىسىمىزدى بىلدىرەمىز. بۇگىن, مىنە, ىرعىز اۋىلىنان 51 ءۇيدى سىزدەردىڭ يگىلىكتەرىڭىزگە بەرىپ جاتىرمىز», دەدى وبلىس اكىمىنىڭ ورىنباسارى.
ايتا كەتسەك, اقتوبە وڭىرىندە بۇگىنگە دەيىن 513 وتباسىعا ءۇي بەرىلگەن. 4 مىڭنان استام وتباسىعا 1,6 ميلليارد تەڭگە سوماسىندا بىررەتتىك الەۋمەتتىك كومەك كورسەتىلسە, 3 495 وتباسىنىڭ م ۇلىكتىك شىعىندارى وتەلگەن.