پاۆلودار. 24 قاڭتار. ولجاباي جارماكين - بۇكىل عۇمىرىن ءبىلىم مەن عىلىمعا, ونىڭ ىشىندە فيلولوگيا سالاسىنا ارناعان عالىم. باسقا عالىمداردان ەرەكشەلىگى, بۇل كىسى كوپ ءتىل بىلەدى. جۇزدەگەن شاكىرتتەر تاربيەلەدى. انا ءتىلىمىزدىڭ جاناشىرى. نەمىس ءتىلىنىڭ مامانى, فيلولوگيا عىلىمىنىڭ كانديداتى, دوتسەنت, پروفەسسور ولجەكەڭ الداعى 28 قاڭتاردا 80 جاسقا تولادى. بۇل تۋرالى egemen.kz ءتىلشىسى حابارلادى.
جۇبايى نۇريلا اپا ەكەۋى ءۇش بالا ءوسىردى. باقىتجان, باۋىرجان - دارىگەرلەر, گۇلنارى - ەكونوميست-زاڭگەر. نەمەرە, شوبەرەلەر تارادى. ولجاباي قايكەن ۇلى ەڭبەك جولىن 1956 جىلى اۋىل مەكتەبىندە نەمىس ءتىلى ءپانىنىڭ مۇعالىمى بولىپ باستاپتى. وبلىس ورتالىعىنداعى پەداگوگيكالىق ينستيتۋتتىڭ شەت تىلدەر كافەدراسىن باسقارىپ 30 جىلداي قىزمەت اتقاردى. ال, 1997 جىلدان بۇگىنگى كۇنگە دەيىن سۇلتانماحمۇت تورايعىروۆ اتىنداعى مەملەكەتتىك ۋنيۆەرسيتەتىنىڭ «شەتەلدىك فيلولوگيا جانە اۋدارما ءىسى» كافەدراسىندا قىزمەت ەتىپ كەلەدى. عالىم 50 عىلىمي ماقالا, 2 مونوگرافيا, 5 وقۋلىق جازدى. جاسى 80-گە كەلسە دە ءالى تىڭ, سەرگەك. ادەمى قارتايا ءبىلۋ دەگەن وسى. اعامىزعا الداعى ۋاقىتتا دا عىلىمي ەڭبەكتەر قاتارى تولىعا ءتۇسسىن, دەنساۋلىعى مىقتى بولسىن دەپ تىلەيمىز.
فاريدا بىقاي.
دەرەك: egemen.kz.
سۋرەت: egemen.kz.