پەتروپاۆل. 26 قاڭتار. پەتروپاۆل قالاسىىنداعى بىرنەشە كوتەرمە-ساۋدا ورتالىقتارى جاڭارتىلىپ, جاڭا جۇمىس ورىندارى پايدا بولادى. وسى باعىتتاعى جۇمىستاردى ۇيىمداستىرۋ جايىمەن تانىسقان ايماق باسشىسى ەرىك سۇلتانوۆ وسىلاي مالىمدەدى. بۇل تۋرالى وبلىستىق اكىمدىكتىڭ ءباسپاسوز ورتالىعى حابارلادى.
كوتەرمە-ساۋدا ورتالىعى بازارىنىڭ ديرەكتورى الەكساندر فوميننىڭ ايتۋىنشا, قالا تۇرعىندارىنا قولجەتىمدى قىزمەت كورسەتىپ كەلە جاتقان بازاردىڭ قازىرگى جاعدايى سىن كوتەرمەيدى. سول سەبەپتى ونى قايتادان قالپىنا كەلتىرۋ شارالارى قولعا الىنىپ وتىر. وسىعان وراي الداعى ۋاقىتتا كوتەرمە-ساۋدا ورتالىعىن جاڭا جەرگە كوشىرۋ جوسپارلانعان. جالپى الاڭى 12 مىڭ شارشى مەتردى قۇرايتىن جاڭا ساۋدا ورنى استانا-زاۋىت كوشەلەرىنىڭ قيىلىسىنا ورنالاساتىن بولادى. ونىڭ قۇرىلىسى بيىل باستالىپ, ءبىر جىل ىشىندە پايدالانۋعا بەرىلەدى.
«سولتۇستىك «الەۋمەتتىك-كاسىپكەرلىك كورپوراتسياسى اق-نىڭ قارجىلىق قولداۋىنا يە بولدىپ وتىرعان كوتەرمە-ساۋدا بازارىندا دا جاڭعىرتۋ جۇمىستارى قىزۋ قارقىن العان.
ءومىر ەسقالي.
دەرەك: سولتۇستىك قازاقستان وبلىساكىمدىگىنىڭ ءباسپاسوز قىزمەتى.
سۋرەت: turbina.ru.