26 تامىز بەن 2 قىركۇيەك ارالىعىنداسەربيانىڭ سۋبوتيتسا قالاسىندا بوكستان حالىقارالىق تۋرنير ءوتتى, دەپ جازادى Egemen.kz ۇلتتىق وليمپيادالىق كوميتەتكە سىلتەمە جاساپ.
بايراقتى تۋرنيردە قازاقستان, گرۋزيا, ازەربايجان, سلوۆەنيا, اۆستريا, شوتلانديا, بەلارۋس, چەرنوگوريا, بوسنيا جانە گەرتسەگوۆينا, رۋمىنيا, لاتۆيا, پولشا, كوسوۆو, رەسەي جانە سەربيانىڭ بىلعارى قولعاپ شەبەرلەرى باق سىنادى.
بۇل بوكس باسەكەسىندە ەل نامىسىن 9 جاس بوكسشى قورعاپ, ونىڭ بەسەۋى جۇلدەگەر اتاندى.
اتاپ ايتساق, داۋلەت بورانقۇلوۆ (51 كەلى), رامازان ورىنباسار (54 كەلى), ادىلەت ەرمانوۆ (54 كەلى), جاڭگىر الدابەرگەن (67 كەلى) جانە دانيال رايىمبەكوۆ (92 كەلى) ءتۋرنيردىڭ قولا جۇلدەسىنە قول جەتكىزدى.