بۇل تۋرالى قالا اكىمدىگىنىڭ الەۋمەتتىك جەلىدەگى پاراقشالارىنان ءمالىم بولدى, دەپ حابارلايدى Egemen.kz.
جاز مەزگىلىندە 3 رەت تاۋعا شىعۋ ۇيىمداستىرىلىپ, سوڭعى رەت 31 تامىزدا 354 قاتىسۋشى جاستار شىڭىن باعىندىرعان.
قاتىسۋشىلارعا قاۋىپسىزدىك پەن مارشرۋت باعىتتارى بويىنشا ەرىكتىلەر مەن قۇتقارۋشىلار جاردەم بەرىپ وتىرعان. ءىس-شاراعا قاتىسقان فرانتسيانىڭ باس كونسۋلى فابريس نەۆە «الپينيادا-2024» جوعارى دەڭگەيدە ۇيىمداستىرىلعانىن اتاپ ءوتتى.
ينكليۋزيۆتى توپقا باسا نازار اۋدارىلىپ, 29 بالا اتا-اناسىنىڭ ەرتىپ جۇرۋىمەن شىڭعا شىققان, ولارعا جەكە تۋر ۇيىمداستىرىلعان. اتالعان ءىس-شارا شەڭبەرىندە 1000-نان استام تاۋعا شىعۋدى ۇناتاتىنداردىڭ باسى قوسىلعان.