“جول كارتاسىنان” تىس قالعان اۋىل

اقسۋ قالاسى اۋماعىنا قاراستى سارىشىعاناق اۋىلى وبلىس ورتا­لى­عى­نان 60 شاقىرىم جەردە ورنا­لاس­قان. ءوندىرىستى قالالاردىڭ ءدال ورتاسىندا تۇر. شالعايدا جاتقان الىس اۋىل بولسا ءبىر ءسارى. ءبىزدىڭ تىلشىلەر قوسىنىنا ارىز-شاعىمدارىن جازىپ, بۇيىم­تاي­لارىن الا جەتكەن اۋىل تۇرعىندارى­نىڭ وكپەلەرى قارا قازانداي ەكەن. جول ءتۇسىپ ءبىز دە سول اۋىلعا بارىپ قايتتىق. ايتسا ايتقانداي, ماسەلەنىڭ بار ءمانىسى – بارار جەر, باسار تاۋ قالماعان سوڭ, اۋىلداعى اكىمدىك, دارىگەرلىك پۋنكت, پوش­تا بولىمشەسى, كىتاپحانا, ۋچاسكەلىك پوليتسيا بارلىعى تۇگەلىمەن بارىپ اۋىل­داعى جالپى ءبىلىم بەرەتىن ورتا مەكتەپتىڭ ىشىنە ورنالاسىپ الىپتى. وسىلاي ون جىل ومىرلەرى ءوتىپتى. قالا اكىمدەرى دە اۋىسىپ ۇلگەرىپتى. بىراق وزگەرىس جوق, سول قالپى. مەكتەپتىڭ ءىشى-سىرتى دا وڭىپ تۇرعان جوق, جوندەۋ كورمەگەن. ابدەن شىدامدارى تاۋسىلعان مەكتەپ باسشىلىعى بۇدان ارىعا توزە المايمىز, ونسىز دا وقۋشىلاردىڭ ءبىلىم الۋلارىنا بوگەت بولىپ كەلە­سىڭ­دەر, ءوز كۇندەرىڭدى وزدەرىڭ كورىڭدەر, اۋىلدا بالاباقشا جوق, مەكتەپ ىشىنەن 30 بالاعا ارنالعان شاعىن ورتالىق اشامىز, بولمەلەردى بوساتىڭدار, دەپتى. سوندا ءبىز قايدا بارارىمىزدى بىلمەي­مىز. دارىگەرلىك پۋنكتكە بەس بولمە كەرەك. ارنايى ءۇي جوق, دەيدى جەرگىلىكتى بولىمشەنىڭ اعا دارىگەرى ايگەرىم مانتىقوۆا. قال­عان­دارى دا سولاي. اۋىل اكىمى تولە­گەن اۋباكىروۆ تە اكىم­دىككە بوس ءۇي ىزدەپ جۇرگەن كورىنەدى. ءبىز كەلگەندە مەك­تەپ ءۇيى ىشىندە توپىرلاعان  ادام­دار بولدى. “بۇلار نە عىپ جۇرگەن ادامدار؟” دەپ ەدىك, “زەينەتاقى الۋعا كەلگەن اۋىلدىڭ ادامدارى, پوشتا ءبو­لىم­شەسى دە وسىندا عوي” دەگەن جاۋاپ ەستىدىك. ال اۋىلدا بوس تۇرعان اسحا­نا, ءۇش بولمەلى ءۇي, شەبەرحانا بار كورىنەدى. ول بىرەۋدىڭ مەنشىگى, ونى جۇماگەلدى قو­جا­نوۆتان سۇراۋ كەرەك دەپ قالدى تۇر­عىندار. سارى­شى­عاناق اۋىلىندا, سۋاتكول مەن جاڭاشارۋا بولىمشەلەرىن قوسقاندا, ورىسى بار, ۋكراين, بەلارۋس, نەمىس, تاتار, باشقۇرتى بار — بارلىعى مىڭ­عا جۋىق ءار ءتۇرلى ۇلت وكىلدەرى تاتۋ-ءتاتتى ءومىر سۇرۋدە. اۋىلدا 100-گە جۋىق مەكتەپ جاسىنا دەيىنگى كىشكەنە بالا, ءسابي كۇتىپ جۇرگەن  20 ايەل بار ەكەن. مال-جان امان. داستارقان تولى. اۋىلدىقتاردى رەنجىتكەندەرى “جول كارتاسى” باعدارلاماسىنىڭ وزدەرىنىڭ اۋىلدارىنا مۇلدە كەلمەي قويعانى... فاريدا بىقاي. پاۆلودار وبلىسى.