بيىلعى جاڭا وقۋ جىلى قارساڭىندا مەملەكەت الەۋمەتتىك جاعىنان وسال وتباسىلارداعى 500 مىڭنان استام بالانى مەكتەپكە دايىنداۋعا قولعابىس كورسەتكەن. وسى ماقساتتا اتا-انالاردىڭ ەسەپشوتىنا 22,2 ملرد تەڭگەدەن استام قارجى اۋدارىلعان. بۇل تۋرالى وقۋ-اعارتۋ مينيسترلىگى حابارلادى, دەپ جازادى Egemen.kz.
وسىنداي قولداۋ اتاۋلى الەۋمەتتىك كومەك (ااك) الاتىن, تابىسى ەڭ تومەنگى كۇنكورىس دەڭگەيىنەن تومەن وتباسىلارداعى وقۋشىلارعا, جەتىم جانە اتا-اناسىنىڭ قامقورلىعىنسىز قالعان بالالارعا, سونداي-اق توتەنشە جاعدايلار سالدارىنان شۇعىل كومەككە مۇقتاج وتباسىلارداعى مەكتەپ وقۋشىلارىنا كورسەتىلگەن. جەرگىلىكتى اتقارۋشى ورگانداردىڭ مالىمەتى بويىنشا, ءوتىنىش بەرگەندەردىڭ 100 پايىزى مەملەكەتتەن قارجىلاي كومەك العان.
«بۇعان دەيىن وقۋ-اعارتۋ مينيسترلىگى كومەك كورسەتۋ مەحانيزمىن, ونىڭ ىشىندە اتا-انالاردىڭ ەسەپشوتتارىنا اقشا اۋدارۋدى جەتىلدىرۋ بويىنشا شارالار قابىلداعان ەدى. بۇل شارا اتا-انالار مەن بالالارعا كيىم-كەشەك پەن وقۋ قۇرالدارىن جەتكىزۋشىلەردى ءوز بەتىنشە تاڭداۋعا مۇمكىندىك بەردى, وسىلايشا ساپاسىز تاۋارلاردى الۋدى بولدىرمايدى. بيىل ءار وقۋشىعا ورتاشا ەسەپپەن 45 مىڭ تەڭگە شاماسىندا قاراجات ءبولىندى», دەدى بالالاردىڭ قۇقىعىن قورعاۋ كوميتەتى توراعاسىنىڭ ورىنباسارى يۋليا وۆەچكينا.
مينيسترلىك «مەكتەپكە جول» رەسپۋبليكالىق قايىرىمدىلىق اكتسياسى 30 قىركۇيەككە دەيىن جالعاساتىنىن مالىمدەدى.