بارشامىزعا ءمالىم بولعانداي, ۇستىمىزدەگى جىلدىڭ 1 قاڭتارىنان باستاپ باستاپ قولدانىسقا جاڭا قازاقستان رەسپۋبليكاسى «اكىمشىلىك قۇقىق بۇزۋشىلىق تۋرالى» كودەكسى ەنگىزىلدى.
جاڭا كودەكستىڭ 811-بابىنىڭ 1-بولىگىنە سايكەس, اكىمشىلىك قۇقىق بۇزۋشىلىق تابىلعان جانە ونى جاساعان تۇلعا انىقتالعان كەزدە, لاۋازىمدى ادام اكىمشىلىك قۇقىق بۇزۋشىلىق تۋرالى حاتتامانى ونىڭ جاسالۋ ورنىندا تۇزەدى جانە تۇلعاعا كورسەتىلگەن ايىپپۇل سوماسىنىڭ ەلۋ پايىزىن جەتى تاۋلىك ىشىندە تولەۋ قۇقىعىن تۇسىندىرەدى.
لاۋازىمدى ادام تۇلعاعا اكىمشىلىك قۇقىق بۇزۋشىلىق تۋرالى حاتتامانىڭ كوشىرمەسىن قاتاڭ قارجىلىق ەسەپتىلىك قۇجاتى بولىپ تابىلاتىن, بەلگىلەنگەن ۇلگىدەگى تۇبىرتەكپەن بىرگە تاپسىرادى.
وسى كودەكستىڭ 811-بابىنىڭ 2-بولىگىنە سايكەس, كورسەتىلگەن ايىپپۇل سوماسىنىڭ ەلۋ پايىز مولشەرى جەتى تاۋلىك ىشىندە تولەنگەن جاعدايدا, ءىس ءمانى بويىنشا قارالدى دەپ ەسەپتەلەدى.
بۇل دەگەنىمىز, ەگەر قۇقىق بۇزۋشى ءوزىنىڭ زاڭسىز ارەكەتىن مويىنداپ, كوزدەلگەن ايىپپۇل سومماسىنىڭ ەلۋ پايىزىن تولەگەن جاعدايدا, اكىمشىلىك حاتتاما تولتىرۋعا قۇقىلى لاۋازىمدى تۇلعا حاتتامانىڭ كوشىرمەسىن جانە قارجىلىق ەسەپتىك قۇجاتتى (تۇبىرتەك) قۇقىق بۇزۋشىعا تاپسىرا وتىرىپ, سول مەزەتتە اكىمشىلىك ءىستى اياقتايدى.
دەمەك, جاڭا زاڭ تالابىنا سايكەس, ءار ءبىر ازاماتقا جاسالعان قۇقىق بۇزۋشىلىعىن مويىنداعان جايعدايدا كودەكستە كوزدەلگەن ايىپپۇل سومماسىنان ەلۋ پايىزعا از مولشەردە ايىپپۇل تولەۋگە جەڭىلدىك بەرىلگەن.
ەلۆيرا پەرنەبەك, قىزىلوردا قالاسى
پروكۋرورىنىڭ اعا كومەكشىسى.
سۋرەت: egemen.kz.