قىزىلوردا قالالىق پروكۋراتۋراسى وتكەن جىلدىڭ قورىتىندىسى نەگىزىندە قىزىلوردا وبلىستىق ادىلەت دەپارتامەنتىنە قاراستى اۋماقتىق سوت ورىنداۋشىلار بولىمىندە ەسەپتە تۇرعان جالاقى ءوندىرۋ ساناتىنا تالداۋ جۇرگىزدى.
تالداۋ بارىسىندا, قالالىق پروكۋراتۋرا مەن سوت ورىنداۋشىلارىنىڭ بىرلەسە قىزمەت اتقارۋ ناتيجەسىمەن قۇنى 64 067 860 تەڭگەنى قۇرايتىن 170 اتقارۋ قۇجاتى وندىرىسكە ەنگىزىلدى. ال 2014 جىلدىڭ سوڭىندا اتالعان ساناتتاعى بارلىق اتقارۋ قۇجاتتاردى ورىنداۋ اياقتالدى.
ونىڭ ىشىندە پروكۋرورلىق ىقپال ەتۋ اكتىسى ناتيجەسىمەن 39 689 913 تەڭگە قۇرايتىن 139 اتقارۋ قۇجاتى ناقتى ورىندالسا, 1 بورىشكەر اكىمشىلىك جاۋاپكەرشىلىككە تارتىلعان.
اتاپ ايتقاندا, مەملەكەتتىك سوت ورىنداۋشىسىمەن «سك حوركۋت» جشس-نەن 7 قىزمەتكەرگە 4.8 ملن. تەڭگە ءوندىرۋ تۋرالى اتقارۋ قۇجاتىن ورىنداتۋ ماقساتىندا مەكەمە ديرەكتورى ب.ك-كە قاتىستى اكىمشىلىك حاتتاما تولتىرىلىپ, قىزىلوردا مامانداندىرىلعان اكىمشىلىك سوتىنا قاراۋ ءۇشىن جولداندى. ناتيجەسىندە, اكىمشىلىك سوتىنىڭ 29.01.2014 جىلعى قاۋلىسىمەن مەكەمە ديرەكتورى اقبتك-ءتىڭ 524-بابىمەن كىنالى دەپ تانىلىپ, 5 اەك كولەمىندە ايىپپۇل سالىندى.
سونداي-اق, بورىشكەردىڭ اتىندا 4 جەر تەلىمى تىركەلگەنى انىقتالىپ, ولاردى باعالاپ, ارى قاراي ساۋدا-ساتتىققا شىعارىلىپ, اۋكتسيون ارقىلى 31 ملن. ساتىلىپ, جۇمىسشىلاردىڭ ەڭبەك اقىلارى تولىق تولەنۋىنە قول جەتكىزىلدى.
وسى تەكتەس زاڭ بۇزۋشىلىق, بورىشكەر «جەر انا گرۋپپ» جشس-ءنىڭ ءبىر اۆتوكولىگى ساۋدا-ساتتىققا شىعارىلۋ ناتيجەسىمەن, ءوندىرىپ الۋشىنىڭ پايداسىنا 251 000 تەڭگە جالاقى سومماسى تولىق اۋدارىلدى.
سونداي-اق, قالالىق پروكۋراتۋرا بورىشكەر «كازروس مۋناي» جشس-نەن 1 جۇمىسشىعا 205 704 تەڭگە جانە «ارنا قىزىلوردامەليوراتسيا» جشس-نەن 3 قىزمەتكەرگە 483 249 تەڭگە جالاقى ءوندىرۋ تۋرالى اتقارۋ وندىرىستەرىن زەردەلەپ, ناتيجەسىندە, سەرىكتەستىك مەكەمەلەرىنىڭ ديرەكتورلارى مەن باس ەسەپشىلەرى قالالىق پروكۋراتۋراعا شاقىرتىلىپ, بورىشكەرلەردى اكىمشىلىك جانە قىلمىستىق جاۋاپكەرشىلىكتەرگە تارتىلاتىنى ءتۇسىندىرىلدى. وسىعان سايكەس, جۇمىسشىلاردىڭ جالاقىلارى تولىعىمەن تولەندى.
قالالىق پروكۋراتۋرا اعىمداعى جىلدىڭ 10 كۇنىندە بورىشكەر «داني-ەر» جشس-گى 46 قىزمەتكەرگە 5 133 549,12 تەڭگە جالاقى قارىز ەكەنىن انىقتادى.
وسىعان سايكەس, قالا پروكۋرورىنىڭ 31.12.2014 جىلعى (ۇيعارىمدى ماجبۇرلەپ ورىنداتۋ تۋرالى) قاۋلىسى شىعىپ, ونى ورىنداتۋ ءۇشىن مەملەكەتتىك سوت ورىنداۋشىلارىنا جولدانىپ, قورىتىندىسىمەن سەرىكتەستىكتىڭ ەكىنشى دەڭگەيدەگى بانكتەردەگى ەسەپ شوتتارىنا ينكاسسا قويىلىپ, «حالىق بانك» ااق-نىڭ قىزىلوردا فيليالى ارقىلى 5 133 549 تەڭگە ادىلەت دەپارتامەنتىنىڭ ديپوزيتىنە 08.01.2015 جىلى اۋدارىلىپ, ەرتەسىنە سەرىكتەستىكتىڭ قىزمەتكەرلەرىنىڭ ەسەپ شوتتارىنا ەڭبەك اقىلارى اۋدارىلىپ, 46 ازاماتتىڭ كونستيتۋتسيالىق قۇقىقتارى قورعالدى.
فارابي ۇزاقوۆ, قىزىلوردا قالاسى
پروكۋراتۋراسىنىڭ ءبولىم باستىعى.
Cۋرەت: ogodom.ru.