قاراعاندىدا 6 كولىك سوقتىعىسقان جانتۇرشىگەرلىك جول اپاتى بولدى, دەپ حابارلايدى Egemen.kz.
اپات سالدارىنان ءبىر ادام قازا تاپتى.
قاراعاندىداعى امانجولوۆ كوشەسىندە جاپپاي جول اپاتى بولدى.
الەۋمەتتىك جەلىدە وقيعانىڭ كادرلارى پايدا بولدى. بەينەجازبادا سىنعان جانە ب ۇلىنگەن كولىكتەردى كورۋگە بولادى. وقيعانىڭ كۋاگەرى سوقتىعىس كەزىندە زارداپ شەككەندەردىڭ ءبىرى كولىكتەن ۇشىپ كەتكەنىن ايتادى.
وقيعانىڭ ءمان-جايىن پوليتسيا قىزمەتكەرلەرى انىقتاپ جاتىر. قاراعاندى وبلىسىنىڭ پد ءباسپاسوز قىزمەتى جول اپاتىنا قاتىستى قىلمىستىق ءىس قوزعالعانىن اتاپ ءوتتى.
- ءتيىستى ساراپتامالار تاعايىندالدى. تەرگەۋ جۇرگىزىلىپ, جاعداي انىقتالىپ جاتىر. قاراعاندى وبلىسىنىڭ پد جۇرگىزۋشىلەردى جول قوزعالىسى ەرەجەلەرىن قاتاڭ ساقتاۋعا, جىلدامدىق رەجيمىنەن اسپاۋعا شاقىرادى, - دەپ حابارلادى قاراعاندى وبلىسى پد ءباسپاسوز قىزمەتى.