الماتى قالاسىنداعى جولداردىڭ ءبىر بولىگىندە قوقىس تاسىمالدايتىن كولىك اۋدارىلىپ كەتكەن, دەپ حابارلايدى Egemen.kz.
2 ادام زارداپ شەككەن وقىس وقيعا سايىن جانە رايىمبەك كوشەلەرى قيىلىسىنان ءسال تومەنىرەك تۇستا بولىپ, كولىك كەپتەلىسىن تۋدىرعان.
قالالىق پوليتسيا دەپارتامەنتىنىڭ ءباسپاسوز قىزمەتى حابارلاعانداي, جول اپاتى بۇگىن ساعات 10:50-دە الاتاۋ اۋدانىندا بولعان.
«Iveco كولىگى جۇرگىزۋشىسى سايىن كوشەسىمەن سولتۇستىك باعىتتا كەلە جاتىپ, تىزگىنگە يە بولا الماي, تەمىر قورشاۋعا سوعىلىپ, اۋدارىلىپ قالدى. سالدارىنان جۇرگىزۋشى مەن ونىڭ جولاۋشىسى زارداپ شەگىپ, مەديتسينالىق كومەككە جۇگىندى», دەلىنگەن حابارلامادا.
الاتاۋ اۋداندىق ىشكى ىستەر ءبولىمى وقيعانىڭ ءمان-جايىن انىقتاپ جاتىر.