كەشە پالاتا سپيكەرى قابيبوللا جاقىپوۆتىڭ توراعالىعىمەن ءماجىلىس بيۋروسى ءوتىپ, جالپى وتىرىستىڭ كۇن ءتارتىبى ناقتىلاندى, دەپ حابارلادى ءماجىلىستىڭ ءباسپاسوز قىزمەتى.
دەپۋتاتتار تالقىسىنا تابىسقا سالىناتىن سالىقتارعا قاتىستى قوسارلانعان سالىق سالۋدى بولدىرماۋعا جانە سالىق سالۋدان جالتارۋعا جول بەرمەۋگە قاتىستى قازاقستاندىق-ماكەدوندىق ۇكىمەتارالىق كەلىسىمدى راتيفيكاتسيالاۋ تۋرالى زاڭ جوباسى ۇسىنىلاتىن بولدى.
سونداي-اق, كۇن ءتارتىبى جوباسىنا كەدەن وداعىنا مۇشە مەملەكەتتەر بولىپ تابىلمايتىن, تاۋەلسىز مەملەكەتتەر دوستاستىعىنا قاتىسۋشى مەملەكەتتەرمەن ءوزارا ساۋداداعى تەحنيكالىق كەدەرگىلەردى جويۋ تۋرالى كەدەن وداعىنا مۇشە مەملەكەتتەردىڭ كەلىسىمىن راتيفيكاتسيالاۋعا بايلانىستى زاڭ جوباسى دا ەنگىزىلگەن. سونىمەن قاتار, حالىقارالىق اۋە تاسىمالدارىنىڭ كەيبىر قاعيدالارىن بىرىزدەندىرۋگە ارنالعان كونۆەنتسيانى راتيفيكاتسيالاۋعا قاتىستى قورىتىندى ازىرلەۋ مەرزىمىن تاعايىنداۋ جانە بىتىمگەرشىلىك قىزمەت تۋرالى زاڭ جوباسى بويىنشا جۇمىستى ىلەسپەلى تۇزەتۋلەرمەن ودان ءارى جالعاستىرۋعا بايلانىستى ماسەلەلەر قامتىلعان.