جۋىردا وتىرار اۋدانىنىڭ اكىمدىگى مەن اۋداندىق ارداگەرلەر كەڭەسى بىرلەسىپ يگى ءىس جاسادى. ولار زەينەتكەرلەردىڭ استانا قالاسىن كورىپ قايتۋى ءۇشىن ساپار ۇيىمداستىردى.
اۋدانىمىزدان استاناعا 31 زەينەتكەر باردى. ۋاقىتتىڭ ءتۇن ورتاسى بولعانىنا قاراماستان زەينەتكەرلەر تەمىر تەمىرجول بەكەتىنەن سالتاناتپەن شىعارىپ سالىندى.
استاناداعى بەيبىتشىلىك جانە كەلىسىم, تاۋەلسىزدىك سارايلارىندا, تۇڭعىش پرەزيدەنتىمىزدىڭ مۇراجايىندا, «بايتەرەكتە», «اشىق اسپان استىنداعى», ۇلتتىق جانە «الجير» (ساياسي قۋعىن-سۇرگىنگە تۇسكەن ازاماتتاردىڭ ايەلدەرى قامالعان لاگەر) مۋزەيلەرىندە, تاعى دا باسقا كوركەم دە ساۋلەتتى ورىنداردا بولعان زەينەتكەرلەر كوڭىلدەرىنە كوپ وي ءتۇيىپ ورالدى.
قازىرگى استانامىز – ومىردەن وزىق تۇرعان كەلەشەكتىڭ قالاسى. سوندىقتان زەينەتكەرلەر وسى ساپاردى ۇيىمداستىرعاندارعا العىس ايتۋدا.
سەيدىلداحان ەلباسى,
وتىرار اۋدانىنىڭ قۇرمەتتى ازاماتى.
وڭتۇستىك قازاقستان وبلىسى.