ء«دىن ماسەلەلەرى بويىنشا بىلىكتى ماماندار دايارلاۋ» جوباسى اياسىندا الماتى قالاسىندا اقپاراتتىق-ءتۇسىندىرۋ توپتارىنىڭ مۇشەلەرىنە ارنالعان وقىتۋ سەمينارلارى مەن ترەنينگتەرى ىسكە اسىرىلدى, دەپ حابارلايدى Egemen.kz.
وسى جىلدىڭ 26-27 تامىزىندا الماتى قالاسى, ال-فارابي كوشەسى, 73-ءۇي, نۇر-مۇباراك ەگيپەت يسلام مادەنيەتى ۋنيۆەرسيتەتى, جاڭا كورپۋسىندا قازاقستان رەسپۋبليكاسى مادەنيەت جانە اقپارات مينيسترلىگىنىڭ ءدىن ىستەرى كوميتەتىنىڭ قولداۋىمەن «رۋحاني جاڭعىرۋ» قوعامدىق قورىنىڭ ۇيىمداستىرۋىمەن ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. شاراعا ء«دىن زەرتتەۋ ورتالىعىنىڭ», مەشىتتەردىڭ, ورتا جانە جوعارى وقۋ ورىندارىنىڭ جانە ت.ب ماماندارى, يمامدارى, پسيحولوگتارى مەن تەولوگتارى قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – ءدىنتانۋ مامانى تالدىباەۆ تولەگەن ومىرزاق ۇلى جانە نەيرولينگۆيستيكالىق باعدارلامالاۋ مامانى, پسيحولوگ سەيتقالي ميرزادا شاحمان ۇلى سەمينار-ترەنينگ وتكىزدى.
تالدىباەۆ تولەگەن ومىرزاق ۇلى «الەۋمەتتىك جەلىدە ءتۇسىندىرۋ جۇمىستارىن جۇرگىزۋدىڭ ماڭىزدىلىعى» تاقىرىبىمەن قاتىسۋشىلارعا قازىرگى عالامتور ارقىلى جاس وركەننىڭ بويىنا تاربيەلىك ءمانى زور دۇنيەلەردى سىڭىرە ءبىلۋ مۇمكىندىگىن قامتاماسىز ەتۋ, قازىرگى ۋاقىتتا جاماعاتپەن بايلانىستى الەۋمەتتىك جەلى ارقىلى ورناتۋدىڭ ماڭىزدىلىعى ءتۇسىندىرىلدى. سونداي-اق, «الەۋمەتتىك جەلىنىڭ الگوريتمدەرىن مەڭگەرۋ جانە ءتيىمدى ءتۇسىندىرۋ جۇمىستارىن جۇرگىزۋ» تاقىرىبىندا قاتىسۋشىلارعا الەۋمەتتىك جەلىدە جەرگىلىكتى پاراقشانى جۇرگىزۋ ادىستەرىن ۇيرەتتى.
سەيتقالي ميرزادا شاحمان ۇلى «وراتورسكوە ماستەرستۆو: يسكۋسستۆو پۋبليچنىح ۆىستۋپلەني» تاقىرىبىندا سويلەۋ تەحنيكاسىنىڭ مەڭگەرۋدىڭ ءتيىمدى جولدارىن اتاپ ءوتىپ, دۇرىس تىنىس الۋدى, ءۇننىڭ قۇلاققا جاعىمدى, ءسوزدىڭ, بۋىننىڭ اشىق, ايقىن بولۋىنا سەپتىگىن تيگىزەتىن تاسىلدەرمەن ءبولىستى. سونداي-اق, «ناۆىكي ۆىسوكوەففەكتيۆنىح ليۋدەي» تاقىرىبىندا جالپى تەوريالىق اقپارات بەرىپ, قاتىسۋشىلارمەن جۇمىس جاسادى.
سونىمەن قاتار سەمينارلار مەن ترەنينگتەر بارىسىندا قاتىسۋشىلار تاراپىنان دارىسكەرلەرگە سۇراقتار قويىلىپ, تۇجىرىمدى جاۋاپتار الىندى.