م.جۇماباەۆ اۋدانىنىڭ پوليتسيا بولىمىنە گاۆرينو اۋىلىنىڭ ماڭىنداعى ورماندا مىلتىق اتىلعانى تۋرالى حابارلاما كەلىپ ءتۇستى.
وقيعا ورنىنا دەرەۋ جەتكەن ۋچاسكەلىك ينسپەكتورلار ورمان القابىنان يەسىز قالعان ۋرال موتوتسيكلىن جانە اعاشقا ىلىنگەن ەلىك ەتىن تاۋىپ الدى.
موتوتسيكلدىڭ جۇك سالعىشىندا 12 كاليبرلى 10 پاترون بولعان. قاسكۇنەمنىڭ ءوزى قىزمەتتىك اۆتوكولىكتى كورىپ قاشىپ كەتكەن كورىنەدى.
«قىلمىستى اشۋعا اۋداندىق پوليتسيا ءبولىمىنىڭ بارلىق جەكە قۇرامى جۇمىلدىرىلدى. جەدەل-ىزدەستىرۋ شارالارىنىڭ ناتيجەسىندە 40 جاستاعى پەتروپاۆل قالاسىنىڭ تۇرعىنى انىقتالدى. كۇدىكتىدەن تىركەلمەگەن مىلتىق تاركىلەندى. قازىرگى ۋاقىتتا زاڭسىز اڭ اۋلاۋ فاكتىسى بويىنشا تەرگەۋ امالدارى جۇرگىزىلىپ, قاجەتتى ساراپتامالار تاعايىندالدى», دەدى پوليتسيا ءبولىمى باستىعىنىڭ م.ا. جانات راحمەتوۆ.
قىلمىستىق زاڭناما تالاپتارىنا سايكەس كۇدىكتى 3 جىلعا دەيىن باس بوستاندىعىنان ايىرىلۋى مۇمكىن. جىل باسىنان بەرى سولتۇستىك قازاقستان وبلىسىندا زاڭسىز اڭ اۋلاۋدىڭ 6 فاكتىسى تىركەلگەن.