2023-2027 جىلدار ارالىعىنداعى جول كارتاسى اياسىندا 100 قوسىمشا ءبىلىم بەرۋ نىسانىنىڭ قۇرىلىسى جوسپارلانىپ وتىر. ونىڭ ىشىندە 37 وقۋشىلار سارايى جانە 63 ونەر مەكتەبى بار, دەپ حابارلايدى Egemen.kz.
وقۋ-اعارتۋ مينيسترلىگىنىڭ مالىمەتىنشە, 2023 جىلى 9 وقۋشىلار سارايى پايدالانۋعا بەرىلگەن. 2024 جىلى — 13, 2025 جىلى — 20, 2026 جىلى — 24, 2027 جىلى — 34 نىسان اشىلادى.
قۇرىلىس كەزەڭ-كەزەڭىمەن جۇرگىزىلەدى. بۇل نىساندار وقۋشىلار مەن جاس تالانتتاردى دامىتۋ ءۇشىن قوسىمشا مۇمكىندىكتەر ۇسىنا وتىرىپ, مادەني جانە ءبىلىم بەرۋ كەڭىستىگىن كەڭەيتۋگە مۇمكىندىك بەرەدى.