بۇگىن استانا قالاسى ءماسليحاتىنىڭ سەسسياسىندا دەپۋتاتتار ريشات تۇردىبەكوۆتى نۇرا اۋدانىنىڭ جاڭا اكىمى قىزمەتىنە سايلادى, دەپ حابارلايدى Egemen.kz.
«استانادا پرەزيدەنت اكىمشىلىگىنىڭ جانە قالالىق ءماسليحات دەپۋتاتتارىنىڭ كەلىسىمى بويىنشا مەريتوكراتيا قاعيداتىنا سايكەس, نۇرا اۋدانىنىڭ اكىمى تاعايىندالدى. بۇل لاۋازىمعا 44 جاستاعى ريشات تۇردىبەكوۆ كىرىستى», دەلىنگەن ەلوردا اكىمدىگى تاراتقان حابارلامادا.
ريشات تۇردىبەكوۆ ەڭبەك جولىن 2001 جىلدان باستاپ «اۆتوليزينگ قازاقستان» جشس (الماتى قالاسى) كومپانياسىندا باستاعان.
2019 جىلدىڭ قىركۇيەك ايىنان باستاپ ەلوردانىڭ بايقوڭىر اۋدانى اكىمىنىڭ ورىنباسارى لاۋازىمىن اتقارعان.
مەملەكەت باسشىسىنىڭ تاپسىرمالارى اياسىندا استانا قالاسىنىڭ اكىمى جەڭىس قاسىمبەك اۋدان مەن ەلدى مەكەندەردى دامىتۋ بويىنشا بىرقاتار مىندەت جۇكتەدى.