26 تامىزدا پورتۋگاليادا جەر سىلكىنىسى بولدى. الەۋمەتتىك جەلىگە سۇيەنسەك, ءزىلزالانى پورتۋ, سونداي-اق يسپانيا مەن ماروككو تۇرعىندارى سەزگەن. پورتۋگاليا تەڭىز جانە اتموسفەرا ينستيتۋتىنىڭ (IPMA) مالىمەتتەرى بويىنشا جەر سىلكىنىسىنىڭ ماگنيتۋداسى 5,3 بالدى قۇرادى, دەپ حابارلايدى Egemen.kz.
پورتۋگاليا ۇكىمەتىنىڭ حابارلاۋىنشا, جەر سىلكىنىسى ەلدىڭ تابيعي اپاتتارعا دايىندىعىن تەكسەرۋگە مۇمكىندىك بەردى.
«بۇل تابيعي اپات ءبىزدىڭ قاجەتتى قۇرالدارىمىزدىڭ, دايىندىعىمىزدىڭ بار-جوعىن تۇسىندىرەدى. سونداي-اق دايىندىقتى تەكسەرۋگە مۇمكىندىك بەرەدى», دەدى پورتۋگاليا ءسىم باسشىسى پاۋلۋ رانگەل.
دۇمپۋلەر تاڭعى 5-تە تىركەلدى, ولاردىڭ ەپيتسەنترى سينيش قالاسىنان باتىسقا قاراي 58 كم جەردە, تەڭىزدە 21 كم تەرەڭدىكتە بولدى.
پورتۋگاليا تەڭىز جانە اتموسفەرا ينستيتۋتىنىڭ (IPMA) مالىمدەمەسىندە جەر سىلكىنىسى ادامدارعا جانە ولاردىڭ مۇلكىنە زيان تيگىزبەدى دەلىنگەن.