قازاقستاندا 115 مىڭعا جۋىق بالا «بالاقايلار مەكتەبى» باعدارلاماسى بويىنشا مەكتەپالدى دايىندىقتان ءوتتى. بۇل تۋرالى وقۋ-اعارتۋ مينيسترلىگى ءمالىم ەتتى, دەپ جازادى Egemen.kz.
باعدارلاما بيىل مەكتەپ تابالدىرىعىن العاش اتتايتىن 1- سىنىپ وقۋشىلارىن بىردەي مەكتەپكە بەيىمدەۋ, ءبىلىم الۋعا داريارلاۋدى كوزدەيدى. سونداي-اق مەكتەپكە دەيىنگى ءبىلىم بەرۋ مەن باستاۋىش مەكتەپ اراسىنداعى ساباقتاستىقتى جالعايدى.
«بالاقايلار مەكتەبى» باعدارلاماسى مەملەكەتتىك جالپىعا مىندەتتى مەكتەپكە دەيىنگى تاربيە مەن ءبىلىم بەرۋ ستاندارتىنا سايكەس ازىرلەنگەن.«جازعى كەزەڭدە مەكتەپالدى دايىندىقتان 115 مىڭعا جۋىق بالا ءوتىپ, 2,9 مىڭ مەكتەپتىڭ 5,1 مىڭ باستاۋىش سىنىپ مۇعالىمى مەن مەكتەپالدى دايارلىق پەداگوگتەرىنىڭ قاتىسۋىمەن وقىتۋ ۇيىمداستىرىلدى. وقىتۋ بارىسىندا بالالاردىڭ فيزيكالىق, كوممۋنيكاتيۆتىك, ينتەللەكتۋالدىق, شىعارماشىلىق جانە الەۋمەتتىك-ەموتسيونالدىق داعدىلارى, سونداي-اق مەكتەپكە وڭ كوزقاراسىن دامىتۋعا باسىمدىق بەرىلدى», دەدى مەكتەپكە دەيىنگى ءبىلىم بەرۋ دەپارتامەنتىنىڭ ديرەكتورى مانار اداموۆا.مەكتەپالدى دايىندىق باعدارلاماسى 1 ايعا ارنالعان. وسى كەزەڭدەگى ءبىلىم بەرۋ پروتسەسىن بىلىكتى باستاۋىش سىنىپ مۇعالىمدەرى نەمەسە مەكتەپالدى دايارلىق پەداگوگتەرى جۇرگىزدى.